اسرار نظافة بيتي وسر راحتي اجي تستافدي

اسرار نظافة بيتي وسر راحتي اجي تستافدي


أجي نوريك لالة مولاتي حداكتي في كوزينتي، لالة مولاتي ،حداكتي ،في ،كوزينتي، سر الحداكة والتاويل، سر الحداكة، الحادكةاسرار نظافة بيتي وسر راحتي اجي تستافدي, اسرار ,نظافة, بيتي , و, سر ,راحتي, اجي, تستافدي, نصائح منزلية، تدابير منزلية، أفكار لترتيب البيت، أفكار منزلية،، التاويل، المتولة، أسرار الحداكة، لحادكة، الحادكات، شهيواتي في كوزينتي، شهيوات داري، حداكتي في داري، نصائح منزلية، نصائح الحادكات،amartdar,jadid amartdar,jadid amartdar 2016,amartdar.com,3martdar.ma,3martdar.co,amartdar.ne t,جديد عمارت الدار،عمارت الدار،موقع عمارت الدار،وصفات عمارت الدار،عمارت الدار 2016 ،www.amartdar.com,www.amartdar.co,www.amartdar.net,ama rtdar,الدار,شهيوات لالة مولاتي رمضانية,العناية بالجسم,النصائح والتجارب,

موقع شهيواتي لكل ما يهم المرأة العربية chhiwati.com
يقدم لك ,لالة مولاتي, الحادكة, اسرار نظافة بيتي وسر راحتي اجي تستافدي

اسرار نظافة بيتي وسر راحتي اجي تستافدي …

البنات ليوم حبيت نفيد ونستفيد في اشغال البيت لي مكتساليش

ولي كتطلع الدم بعد المرات ولكن خاص كل وحدة فينا ديرها بحب وتفنن فيها باش متحسش بالملل وتحس بلي راسها لي كديرو ليوم ديرو غدا وتحس بالروتين

الخطوة الاولى

بالنسبة لبيت النعاس اول حاجة كنبداو بيها ملي كنفيقو بعدما لمرة لتغسل وجهها وسنانها وتوضة وتلبس بيجامة التشقا ودير ليكون على قبل حرارة المطبخ وتدير لمسة خفيفة تمشط شعرها وتقاد مضهرها باش ماش تبان مبهدلة وهيا كتشقا خاصة الى كان الراجل في الدار من بعد تاجه مباشرة لبيت نعاس تقاد الفراش وتجمعو وكنضن متفوتش في 10 دقايق اولا كانت شميشة تخرج المانطا تشمش شوية وتحل الشراجم بيت نعاس يتنفس ويلا كانو عندها وليدات كبار شوية يعني ملي يبداو يعرفو تعلمهم يجمعو حوايجهم وتعلمهم كيفاش يقادو فراشهم اوا ملي تسالي تمشي توجد الفطور وانا بالنسبة لداري كنكون موجدة كلشي يعني كيخصني غي نسخن ونحط باش الربح لوقت وباش المرة متراكمش عليها الشغال في الكوزينة خاصها ملي تكون توجد كيف تسالي من الحاجة تردها لبلاصتها وتغسل اي حاجة ستعملاتها باش متراكموش الماعن وخاصك لغسل الاواني تكوني مختارة مواد لي تكون زوينة لماعن وكذلك ليديك ويمكن ليك تستعمي القفازات وقبل مديري القفازات دهني يديك بكريم مزيان ولبسي القفازات وملي تكوني تغسلي ماعن الفطور الى كنتي دايرة القهوة متبوخة انا كنحتافض بي التخا كيف كنسالي الغسيل كناخد ديك تخا كنفرك بيه يدياوديك الساع ننتاقلو لجميع الدار الى كانت مرونة لي عودة

واحد الحاجة مهمة المرة خاصها تفرق حوايجها على زوج وحدين تختارهم لوقت الشقا وملي تسالي تدوش وتقاد وتلبس بيجامة زوينة ونقية

اسرار نظافة بيتي وسر راحتي اجي تستافدي

البنات واحد القاضية مخاصهاش تبقا نهائيا هي دوك ماعن لعشا لي كيبقاو تال الصباح الصباح راه نهار جديد خاصو يبدا نقي ويبدا بتوجاد الفطور ماشي غسيل ماعن العشا فبلاصت متخليهم قولي لا خاسني منعس تانغسلهم باش صباح يكون الشقا قليل

بالنسبة الصابون
انا ملي كنبغي نصبن اضافة لمسحوق تصبين انا كاندير ليكويدو داش او صولي وهوما كيخليو ريحة زوينة وسر اخر هو كنضيف قطرات من ليكويدو تاع الماعن فهو كيساعد باش يحيد كيدام من الحويج
وبالنسبة سبرديلات كنديرهم في وسادة وكلما كانو سبرديلات بزاف كلما كتصبنو مزيان ولكن خاصهم يتصبنو في مابارد لان لادرتي ماكينة في درجة عاليا غدي يتحل لكولة تاعهم
وكنفضل في الصابون نعزل اللوان باش ميطلقوش ليا

اما لبغيتي يجيك نشير ساهل في الطي كيف طلبت مني الاخت ديري واحد الشبكة كبيرة ملي تكوني تحيدي في النشير حيدي وطوي يعني كلما حيدتي وحدة فبلاصت متلوحيها في الشبكة طويها منها تبقا مسرحة وتسهال عليك المهمة منبعد غيبقاو مطوين في الشبكة نتي غي ستفيهم

ڭلسي معا راسك وخودي ورقة وستيلو وكتبي اش خاصك بالنسبة لكوزينة كلسي وقولي اش خاصني ندير باش كوزينتي تكون مرتبة راه حتى الفوضى وعدم ترتيب الاشياء كتخلي معندكش لڭانا اللشقا وتخليك ڭاع النهار ونتي تشقاي ولكن الا كانت كوزينتك مرتبة فينما تسعملي شيحاجة ترديها لبلاصتها كوني على ياقين غيجيك الشقا ساهل البنسبة للاواني ختاري لهم خزانة لي توالمك وبالنسبة الغسيل الى مكانتش عند كوزينة كومبلي وفيها بلاصة الماعن المغسولين ختاري شي شبكة الاواني في لون يوالم كوزينتك وراه مشاء الله كين اشكال كثيرة وكذلك خودي دوك العلاقات تاع السرابت حتى نوريكم لي دايرة انا عندي فحال داك العلاقة تاع السبابط لي كاتكون فيها بحال جيوب ولكن صغيرة كنطوي سرابت ونديرهم في الجيوب وكيكونو قرابين وملي تغسليهم خليهم يتسقطرو وملي تسالي الشقا مسحيهم ورديهم باش تبقا ليك الشبكا خاوية حيت الى خليتيهم ملي غتجي تغسلي الماعن عوتاني غتولي عندك 2 خدمات يعني تمسحي وترجعي وعاد تغسليهم وستعملو لغسيل الماعن شبكات التقليديين لي كيتباعو حيت كينضفو مزيان و اقتصاديين بحيت مكيموتوش بالزربة ماشي كيف البونجات وعلمي وليداتك باش ملي ياكلو دانون او اي حاجة المعلقة لي ياكلو بيها يغسلوها ولا طبسيل بالنسبة الفرشيطات والمعالق تاع الاينوكس لي كيتبطبعو لفيهم في سربيتة باش ملي يجيو الضياف وتبغي تحطيهم بلا متعاودي تغسليهم لي بغيت نوصل ليك ديما يكونو الاواني نقيين يعني 1 نغسلو حسن منجمع 10 ويشدو ليا الوقت

 بالنسبة لتجفاف

انا كنصح البنات بالجفاف تاع العصا باش ديما فينما حسيت بالارض تسخت او طبعت كندوز تجفيفة ولو نكون غي دخلت الكوزينة نجيب شيحاجة ولقيت شي طبعة ندوز بالزربة يعني نسيق تسييقة مغربية حارة ههههههههههههه مرة مرة ماش كل نهار وكل نهار نستعمل غير جفاف لي قلت عليكم ونستعمل مواد التجفاف يكونو زوينين انا كنستعمل bref

وباش متوسخش ليك الارض وتبقاي ديما تجفي ديري بلاكار حدا باب الزنقة كيف يدخلو الدار يحيدو سبابطهم وييلبسو بانطوفات طريقة التركية وكذلك علاقات الجاكيطات يكونو حدا الباب باش ميلوحوش ليك الحويج فوق السدادر وفينما والاهم
ساليتي التجفاف خودي عود الند شعليه انا مكيخطانيش

بالنسبة الحمام او الدوش
فاش كنفيق كنرش لاڤابو وبيدي بالمنضف وكنكب جافيل في الطواليط حاشاكم وكنخرج نكمل الشقا من بعد كرجع كندير ليكات وكنمسح لاڤابو وكيجيني ساهل وكذلك بيدي والطواليط والبنسبة لاشاس كنحلو مرة مرة وكنكب فيه جاڤيل الا كان كيتحل وبالنسبة ل شيتة لي كنحكو بيها كنعمرها ديما بجافيل ونخليه فيها ومرة مرة نغسلها ونبدل جافيل وكنمسح الجاج وكنجفف ونفرش الزربيات ونشعل عود الند وها الطواليط نقيا

بالنسبة الزربية
الى حسيتي بيها فيها شي طبعة بلا متهزيها وتصبنيها ديري سطل ديال الماء وديري فيه تيد وخودي شي زيف فزڭيه ومسحي بيه الزربية ومن بعد عاودي بالشيتة والزربية تولي تشعل وحلي الشراجم
وكين طريقة تخلي الزربية تبان جديدة بالليل رشيها بالملح والغد دوزي الشطابة من بعد ديري المكنسة الكهربائية

لاڤابو ملي كدوز غي سيمانة محكيتيهش كيطبع حيت انوكس قبل متنعسي خوي فيه جاڤيل وخليه فيه في الصباح غي دوزي الحلفة وغيولي يشعل وكذلك ملي تغسلي الدجاج باش ميبقاش مزفر ديري جافيل واحسن باش يجيك ساهل ديري وسطو شبكة البلاستيك كتكون على قد لاڤابو

بالنسبة لبوطة رشيها ببرودوي التنضيف وخليه واحد الشوية وعاد مسحيها ومن الاحسن تغلفيها بالبابي اليمنيوم باش متعفنش ليك وبالنسبة لتطياب الخبز الى كان كيجيك شوية ناشف ديري غراف الحديد فيه الماء ملي تكوني الطيبي وخشيه فالفران

القزبر الى شريتيه وعڭزتي تقطعيه غسليه ونشفيه وديريه في بلاستيكة وكونجليه ملي تبغي طيبي بيه جبديه وفرتيه كيتفرتت فحالة مقطعاه ولكن القزبر ماشي معدنوس
الى بغيتي طاجينك يكون مزيان ويقاد ليك الطياب ملي تشريه دهنيه بالشحمة ودخليه الفران 15 د

اسرار نظافة بيتي وسر راحتي اجي تستافدي 1

بالنسبة لتنضيم الدوش خودو شبكات هادوك تاع البلاستيك اولا الحديد ويكون شكلهم زوين وحدة نديرو فيها الكريمات والمواد التجميل وحدة نديرو فيها الفوطات مطويين ونديرو شبكة كبيرة فلون الجليج نبقاو نديرو فيها لحويج مسخين وبهاد الطريقة مغيبقاوش لوليدات يلوحو الحويج فينما والاهم وبالليل قبل منعسو لرشو جافيل في لافابو والبيدي وطوالييط ونخليوه ونشعلو ند باش الصباح نحلو غي لاشاس ونكبو لما في لڤابو يوليو كيشعلو وندربها بواحد تجفيفة حيت باقي نقي من الحكة لي حكيناه لبارح ها الدوش مخسرناش عليه وقت طويل ويكونو عدنا زرابي اخرين باش ملي يتوسخو لولين نبدلوهم

اسرار نظافة بيتي وسر راحتي اجي تستافدي 2

بالنسبة لتنضيم الدوش خودو شبكات هادوك تاع البلاستيك اولا الحديد ويكون شكلهم زوين وحدة نديرو فيها الكريمات والمواد التجميل وحدة نديرو فيها الفوطات مطويين ونديرو شبكة كبيرة فلون الجليج نبقاو نديرو فيها لحويج مسخين وبهاد الطريقة مغيبقاوش لوليدات يلوحو الحويج فينما والاهم وبالليل قبل منعسو لرشو جافيل في لافابو والبيدي وطوالييط ونخليوه ونشعلو ند باش الصباح نحلو غي لاشاس ونكبو لما في لڤابو يوليو كيشعلو وندربها بواحد تجفيفة حيت باقي نقي من الحكة لي حكيناه لبارح ها الدوش مخسرناش عليه وقت طويل ويكونو عدنا زرابي اخرين باش ملي يتوسخو لولين نبدلوهم

اسرار نظافة بيتي وسر راحتي اجي تستافدي 3

الله يجازيك بالخير أختي فعلا أفكارك غزالة وبالنسبة النظام هو كلشي سولي مجرب لا تسولي طبيب
راه كنت مرونة ونشقا بالليل وبالنهار ومنسالي وكاين شي حوايج مكنتش تنستعملهم لا أنا لا راجلي وملي تزوجت لقيت عندو بزاف الدبش ايوا ملي ولدت بنتي فهاد الشهور الاخيرة قررت نظم راسي باش نتفرغ لوليداتي وداري وراجلي فرميت كلشي اللي متنستعملوش واخا باقي جديد قسحت قلبي هههههههههههههه وبديت اللوح اللي في الكوزينة الماعن بلاستيك الاغلبية والحوايج اللبس الزابدبن وشي وراق وكتب قديمة وبزاف الدبش وشي فوطيات كانو شادين البلاصة بزاف بعتهم باقين جداد المهم معمرين البلاصة ودرت واحد النهار في الكوزينة نظمت كلشي كل حاجة في بلاصتها الخضرة المواد الغدائية ديال الفطور في بلاصة وديال ليبات في بلاصة قريعات ديالهم والفريكو عمرتو بالكوتي العشية نجبد ونسخن والعشا درت البريوات ولا بيتزا ولا ليبات المهم الاغلبية دايراه في الفركو الربيع تناخدو من الشهر لشهر تنقطعو بالقطاعة تيجي ساهل والحمص مرقد نهار تنصوم تتجيني الحريرة ساهلة في التوجاد ماطيشة الحك في الفريكو متنديرهاش في الثلاجة تتخسر دغيا وخا تديري الزيت من الفو ق والكرافس تنقطعهم بطاطا فريت تنقطعها ونصلقها غير طلع الكشكوشة نطفي عليها ونسقطرها ونديرها في الثلاجة والشفرجل لافوكا تكون صحيحة نديرها في الفريكو وقت ما بغيتها نجبد وحدة نعصرها مع البنان أو الفريز اللي عندي في الفريكو حتى هو ملي يكون رخيص تنستغل الفرصة المهم كلشي تينفع وقررت نحبد بيت الجلوس بعد اقتناع من بنات المنتدى وشي ناس تنعرفهم ندير بيت للاطفال يبقى ليا وليداتي فين يلعبو وينظمو نعاسهم ووسط الدار نديرها للاكل وزدت طاجيرات للبلاكار باش نظم الحوايج ومن بعد غادي ندير مجورة إن شاء الله ايوا ومنعسش حتى نغسل الماعن هادي دائما فيا وهكاك الروينة متتخليش النظام عاد بان ليا شقايا الحمد لله ايوا الدوش شريت اللي تيتعلقو في الجناب علقت كلشي اللي غلبك بالديق غلبو بالتعلاق والحمد لله

اسرار نظافة بيتي وسر راحتي اجي تستافدي 4

اسرار نظافة بيتي وسر راحتي اجي تستافدي