بريوات من أربعة ألوان

سلام عليكم و رحمة الله و بركاته

 موقع شهيواتي  لكل ما يهم المرأة المغربية يقدم لك سيدتي بريوات من أربعة ألوان

هام الملون الغذائي  خاص يكون ديال لعبار أوالسائل باش مايطلقش الصباغة

مقادير البريوة الخضراء

  • ورقةالبسطيلة نأخدالألوان اللي بغينا لمول الورقة باش يصاوبنا
  • اما الجلجلان بالالوان موجود عند مول

المقادير

  • 100 غرام سبانخ
  • 200غرام دجاج
  • زيت بلدية
  • فلفل أحمر
  • كامون
  • ابزار
  • هريسة
  • ملح
  • حامض مصير
  • عصيرالحامض
  • قزبر ومعدنوس
  • فرماج محكوك

التحضير:

نشحرو السبانخ مع الدجاج نضيفو المقادير الاخرى اما الفرماج يبقى في الاخير ياش ميدوبش نعمرو البريوة ونقليوها

مقادير البريوة السوداء

  • شمبينوسود مرطب
  • البورو
  • سمك أبيض
  • جبن
  • ملح
  • ابزار
  • عصير الحامض
  • هريسة

التحضير

نشحرو البورو نضيفو الشمبينيو ثم السمك اي نوع ابيض المهم يلا شوك ثم باقي المقادير ونعمرو البريوة

مقادير البريوة البيضاء

  • 250g كبدة
  • بصلة مشلظة
  • ملح
  • ابزار
  • شوية أرز
  • توابل الكاري
  • معدنوس
  • حامض مصير
  • جبن الريكوتا

التحضير:

نشحو الكبدة واخا ديال الدجاج معالبصلة ونضيفو المقادير دائما نخليو الجبن للاخير ونعمرو البريوة

مقادير البريوة الليمونية

بصلة مشلظة
خيزو محكوك رقيق
كرعة محكوكة رقيقة
كفتة
معدنوس
كورنيشو محكوك
ملح
هريسة
ابزار
ملعقة كبيرة مطيشة
فرماج أحمر

التحضير

نشحرو البصلة مع خيزو والكرعة وباقي المقادير وبعد الطهي نعمرو البريوة

وبالصحة والراحة بريوات بالالوان لتزيين طاولة العيد واجدين