تجربة ديالي ناجحة مع THE INVERSION METHOD

موقع شهيواتي لكل ما يهم المرأة العربية chhiwati.com
يقدم لك سيدتي: 
تجربة ديالي ناجحة مع THE INVERSION METHOD

السلام عليكم و رحمة الله من حبي لكم و فرحة ديالي بالنتيجة كتبت الموضوع 2 مرات و كيتمسح و كنعاودو ههه بيا و لا بيه
اليوم غنتكلم ليكم على التجربة ديالي الناجحة مع the inversion method
كنت شفت هاد الطريقة من شحال هادي و لكن معمري فكرت نجربها حتى ل مؤخرا قريت تجربة ديال واحد البنت و حمساتني بزآآف باش نجربها حتى أنا الله يسر أمورها و أمور كل وحدة كتفيدنا
فكرة بسيطة على طريقة the inversion method

كتنقسم ل 2 مراحل أساسية

المرحلة الأولى كَ تاخدي أي زيت عندك طبيعي دفيه شوية و ديري بيه مساج لفروة شعرك مدة 4 إلى 5 دقايق فقط لا أكثر
المرحلة الثانية كَ ديري وضعية بحال د الركوع فالصلاة و لكن كطلقي يدك و تنزلي براسك للأسفل و ترخاي عادي لمدة 4 إلى 5 دقايق فقط لا أكثر و هزي راسك بشوية باش مدوخيش و جلسي حتى جسمك يشد توازن ديالو
الزيت يمكن ليك تخليه يبات فشعرك و لا ملي تسالي المساج ديري حمام زيت لشعرك كامل و خليه ساعتين و غسليه المهم متخليش زيت أكثر من يومين فشعرك
تحذير
أي وحدة كتعاني من ظغط دم المرتفع أو منخفض أو حاملة و لا فيها الدورة الشهرية أو مهرسة أو عندها مشكل فظهرها أو التهابات فالاذن كنصحها متجربش هاد الطريقة نهائيا

التجربة ديالي مع the inversion method

شعري قبل منها قطعت ليه les pointesباش يطوال بشكل صحي و كنت كنشرب خميرة البيرة و لكن وقفتها مدة قبل منها و مكندير حتى وصفة لشعري أثناء التجربة باش نضمن مصداقية تجربة أكثر
الطريقة كَ نديروها 7 أيام فكل شهر فقط 7 أيام حيت عارفاكم كيجيكم الحماس الزايد هههه متافقين 7 أيام متتالية كل شهر

لبست تريكو أبيض و عيطت ل ماما باش تاخد ليا مقاس شعري باش نعرف واش بصح طوال و لا لا و دارت علامة على حد شعري فين واصل
بديتها يوم 01/07 و ساليت يوم 07/07 و عبرت شعري يوم08/07
اليوم1 درت مساج لشعري بزيت زيتون
آليوم2درت مساج لشعري بزيت بابونج
اليوم3 مساج بدون زيت(لظروف خاصة)
اليوم4 مساج بدون زيت(لظروف خاصة)
اليوم 5 مساج بزيت زيتون
اليوم6 مساج بزيت زيتون
اليوم7 مساج بزيت زيتون
ختاريت زيت زيتون حيت طبيعي و موجود عند كلشي و تقدرو ديروها بأي زيت بغيتو
اليوم 8لبست نفس تريكو و عيطت لماما تاخد مقاسات شعري و الحمد لله شعري طوال ب 3 سم فمدة 7 أيام تبارك الله ما شاء الله و حتى أطراف شعري و لا منظر ديالهم صحي حيت المساج كيخلي التغذية توصل ليهم خاصة إذا كان شعر طويل
طبعا كل وحدة و شعرها و تغديتها يقدر يطوال ليكم ب 3 أو 2 أو 4 سم أو أكثر على حسب كل جسم المهم غيتحرك من بلاصتو و يطوال هههه

هاد التجربة أغلبية لي جربها نجحات ليه كنتمنا تفيدكم و تجربوها
إن شاء الله مازال تجارب أخرى في طور تنفيذ هههه و ضروري غنتقاسم معاكم كل مكنعرف و نجرب على نفسي

wasfa  cha3ar

 

تجربة ديالي ناجحة مع THE INVERSION METHOD
تجربة ديالي ناجحة مع THE INVERSION METHOD,تجربة, ديالي ,ناجحة ,مع ,THE ,INVERSION ,METHOD,تجربة ديالي ناجحة , THE INVERSION METHOD,
, بعض, النصائح, للحادكات ,في,برنامج, 2016, lalamoulati, بعض النصائح للحادكات ,برنامج lalamoulati, موقع لالة فاطمة ,لالة سناء ,موقع لالة الحادك,ة موقع لالة بثينة ,موقع لالة زهرة ,لالة سومة, basma,لالة مولاتي وصفات,لالة سناء,للا مولاتي 2016,لالة مولاتي وصفات لزيادة الوزن,لالة مولاتي سناء كناني,لالة مولاتي,جديدموقعي،جديد الحادكة،جديد الحادكات،,lala moulati lhadga,page facebbo najattgadir,شهيوات خديجة,أكادير,البيتزا,الحادكة,المتولة,باج ديال نجاة من أكادير,بطون,جديد الحادكات,جديد الحادكة,جديدموقعي,دجاج,شهيوات نجاة,عمل,فيسبوك نجاة من أكادير,كيفية,لالة مولاتي,لالة مولاتي الحادكة,لالة مولاتي ميد راديو,مطبخ,مطبخ نجاة أكادير,موقع الحادكة,موقع لالة مولاتي,موقع موقعي,نجاة فيسبوك,وصفات الحادكة,وصفات لالة مولاتي,وصفات موقعي،بيتزا بعجينة روعة مثل بيتزا,شهيوات لالة مولاتي الحادكة,شهيوات لالة سناء,شهيوات لالة مولاتي 2015,شهيوات لالة مولاتي ميد راديو,لالة مولاتي شهيوات رمضان,لالة مولاتي الحادكةالمغربية 2015,الحادكة في,،أعشاب،بالأعشاب،طبيعي،طبيعية،بالصور,