تحضير شيسكاك بالتفاح والكراميل

موقع شهيواتي لكل ما يهم المرأة العربية chhiwati.com
يقدم لك سيدتي: 
تحضير شيسكاك بالتفاح والكراميل

وصفة الاخت لطيفة تيفا تبارك الله عليها

شيسكاك بالتفاح والكراميل:

مقادير البسكوي :

بسكوي لكاين أنا ستعملت (speculoose)
نص كاس زبدة مدوبة
كنطحنو البسكوي ونخلطوه مع الزبدة ونديروه فالمول وندلكوه مزيان ونحطوه فتلاجة .

مقادير لكريم :

500g فروماج أبيض (fromage blanc) أو فيلادلفيا
250g لاكريم فريش
150g سكر أو أقل
3 بيضات
شوية القرفة
1 لفاني أو قشرة الحامض
2 معالق الدقيق
كنخلطو كل المقادير ونصبوه فوق البسكوي ونديروه اطيب 40 حتى 45 دقيقة .نطفي عليه وخا باقي لاكريم كيتحرك فلوسط وناخدو الموس وندوزوه بين المول ولكريم ونخلوه ابرد فالفران محلول واحد نص ساعة تم نحطوه فتلاجة .

للتزيين:

تفاح مقطوع مربعات
نص كاس سكر
شوية القرفة
شوية عصير الحامض
معلقة زبدة
كنديرو سكر حتى اولي كراميل ونصبو عليه زبدة والحامض ونحركو ونزيدو تفاح ونحركه بسرعة ونخلوه حتى إتعسل تفاح ونسفوه ونصبوه على شيسكاك وندخلوه تلاجة حتى حين التقديم نحيدوه من المول .

كراميل :

100g سكر
2 معالق الماء
معلقة زبدة مقطوعة طراف صغار
كاس صغير لكريم سايل سخون
شوية الملحة
كراميل لصفينا من تفاح
كنديرو سكر مع الماء حتى اتحمر شوية نحيدوه من فوق العافية ونزيدو زبدة مرة وحدة ونحركه بسرعة ونزيدو لكريم سخون ونحركه مزيان ونردوه فوق لعافية واحد شوية ونحيدوه ونديرو شوية الملحة ونخلطوه مع كراميل ديال تفاح ونزوقو به .
بالصحة والراحة
تحضير شيسكاك تحضير شيسكاك 1 تحضير شيسكاك 2

تحضير شيسكاك 3 تحضير شيسكاك 4 تحضير شيسكاك 5 تحضير شيسكاك 6 تحضير شيسكاك 7 تحضير شيسكاك 9 تحضير شيسكاك8 تحضير شيسكاك 10