halwat brisij13

حلويات بريسيتج بالصور

site officiel،halawiyat lala moulatN Ni،لالة مولاتي.ما،لالة مولاتي.ما 2015،لالة مولاتي.ما 2015,www.lalamoulati.net،www.lalamoulati.net 2015، lalla moulati,www.lala-moulati.ma،www.lala-moulati.ma 2015،www.lala-moulati.ma 2015، moulati lala,lalamoulati.me,sanae kinani,femme,cuisine,lala moulati,lalamoulati,للا مولاتي ،maw9i3 raihana kamal,mysite,wasfat,mamaأم سيرين,الحادكات,اكلة بلادي,بسومة,بيت ضحى،الشيف نادية,ثليجة,رشيدة أمهاوش،رشيدة أمهاوش 2015،حلويات بريسيتج بالصور,حلويات, بريسيتج ,الصور,حلويات بريسيتج ,

موقع شهيواتي لكل ما يهم المرأة العربية chhiwati.com

يقدم لك سيدتي:حلويات بريسيتج بالصور

جديد تحضير حلويات بريستيج 2015

موضوع اخت امة الله تبارك الله عليها

سمحولي مكتبتش المقادير كنت فالخدمة ومصورتش المراحل حيت مكانش عندي الوقت ماتت جدة ومع الناس كيجيو والخدمة منقوليكمش شحال كان عليا الضغط وغير يد وحدة المهم نحاول نشرح الطريقة

البريوات

1 كيلو ديال اللوز تصلقيه وتقشريه وتخليه ينشف مزيان من الما
كتاخذي منو 300 غ كتقليها تقسميها على 2
يعني 150غ كطحنيه وتخليه مهرمش رقيق
و150غ الباقية كطحنيها مع 100غ سكر كلاصي ومعلقة صغيرة زيت حتا كتعلك وتولي بحال براليني
واللوز الباقي يعني لي مصلوق كطحنيه وكتعاودي طحنيه مع 300غ سنيدة
كتزيدي داك اللوز وتخلطيه مع2 معالق كبار أو معلقة كبيرة زبدة مذوبة حسب اللوز
وتنسميه بما زهر أو أي نسمة والمسكة الحرة ايلا بغيتيها وصفر بيضة أو بيصة صغيرة
تعملي كويرات صغار وتشكلي بريوات كلشي كنضن كيعرف الطريقة تقليهم تغطسيهم فالعسل منسم بما زهر
والتزيين كنغطس رؤوس البريوات فالعسل ثم فاللوز مقلي ومهرمش
وبالصحة والراحة تيجيو هائلين

غريبة اللوز مفندة فاللوز ايفيلي

500غ اللوز مسلوق ومقشر ومطحون وكتعاودي طحنيه مع 250غ سنيدة
قشور حامضة
معلقة صغيرة خميرة الحلوى
3 صفار بيض+بيضة كاملة
معلقة صغيرة زبدة مذوبة
50غ فواكه معسلة ومقطعة طريفات صغار
اللوز ايفيلي للتفناذ

كتخلطي المقتدير وتعملي كويرات تغطسيهم فبياض البيض واللوز ايفيلي
وتبسطيهم شوية طيبيهم ودهنيهم بالناباج ايلا بغيتي

حلوة الكبة

العجينة :
500غ طحين
125غ زبدة مذوبة ومصفية
2 معالق كبار سكر كلاصي
رشة ملح
ما زهر لجمع العجينة دلكيها مزيان وخليها قاصحة وخليها ترتاح
طلقيها بالمدلك وخرجيها فالماكينة ثم فماكينة سباكيتي ورشي بطحين غير شوية باش ميلصقوش الخيوط
الحشوة
750غ اللوز مسلوق ومقشر ومطحون مع 350غ سنيدة
250غ اللوز مقشر وقلي ومطحون
نسموها بما زهر أو ا اي نسمة تتبغيوها
وبياض البيض باش نجمعو الخليط
تعملو كويرات وتلويو عليها الخيط بحال كديري الكبة فالوسط زينوها بالصنوبر انا معنديش درت غير اللوز
تخليوها حتا تنشف طيبوها ودهنوها بناباج

فينونسي

110غ بياض البيض
75غ غبرة اللوز
75غ سكر صقيل
90غ زبدة مدوبة حتا يولي لونها ذهبي المهم متحرقش
قبصة ملح
40غ طحين
2 معالق كبار شكلاط فيرميسيل

كتخلطي النواشف بحدها وتزيدي بياض البيض وتخلطي
ثم الزبدة المذوبة وتخلطي مزيان وفي الاخير الشكلاط
تعملوهم فمول سيليكون يطيبو تقريبا شي 15 حتا 20 دقيقة
وتوقيهم فالوسط بالكناش

رخامة بشكل جديد

500غ كاوكاو بلا قشور مقلي ومهرمش
باكية ماريا مطحونة
نسلي كراميل
5 معالق كبار عسل
انا زدت نكهة البندق
شكلاط اسود مذوب

تجمعي الخليط بنسلي كراميل طلقيها بين جوج ميكات تحطيها فوق شي بلاطو وتسرحي الشكلاط
تخليه حتا يبرد وتقلبيها فبلاطو اخر وتحيدي بلاستيكة وتسرحي الشكلاط وتحطي عليه بشوية بلاستيكة ديال زخرفة ديال شكلاط
تحطي عليه شي بلاطو وفوق منو شي كاس باش يشد مزيان خليه حتا يشد راسو وحيدي البلاطو ودخليها الثلاجة
حتا تبرد مزيان وحيدي بلاستيكة بشوية وشدي الموس عمليه فما طايب ومسحيه وقطعي مربعات

halwat brisij
صابلي بنكهة اللوز والقهوة

250غ زبدة
150غ غبرة اللوز او نوازيت
180غ سكر كلاصي
4 صفار بيض صغار أو 3 كبار
طحين حسب الخليط تقريبا 500غ
نكهة القهوة أو الكابتشينو
نكهة اللوز

كتجمعي الزبدة وسكر كلاصي ثم صفار البيض واللوز والطحين
تقسميها على 2 وحدة نسميها باللوز والاخرى بالقهوة
وعملي كويرات غير صغار
ولصقي 4 كويرات ورشميها يالمرشم نصورو ونحطو ليكم
دخليها طيب دهني الوسط يشوية الكليكوز وزوقيها بالعقيق

halwat brisij 1

halwat brisij2

halwat brisij 3
صابلي بالقهوة والشكلاط

250غ زبدة
2 معالق كبار سكر كلاصي
قرصة ملح
2 الى 3 ساشيات القهوة ديال درهم مذوبة فشوية الما
طحين حسب الخليط

نخلطو المقادير ونجمعوها بالطحين غير تجمع صافي
نطلقوها بين زوج ميكات نخليوها شوية غليضة
نقطعوها باي مرشم وتغطس فالشكلاط انا زوقتها بحبات القهوة بالشكلاط
قليبات بالزنجلان والكونفتير

250غ زبدة
100غ سنيدة
قريصة الملح
2 معالق كبار زنجلان مطحون
راس معلقة صغيرة الخميرة

تجمعي المقادير دهني يديك بشوية الزيت وتعملي كويرات صغار
تمرمديهم فالزنجلان وديريهم فمول سيليكون شكل قليبات
ملي يطيبو عمريهم بالكونفتير انا كان عندي ديال المشماش سخنتو وصفيتو زدت عليه لون أحمر و معلقة كبيرة الكليكوز

حلوة بريستيج بالكوك ونسلي والفواكه الجافة

نصف كيلو الكوك
نسلي لجمع الكوك
فواكه معسلة مقطعة طريفات صغار
شكلاط ابيض

كتجمعي الكوك والفواكه بنسلي وتعملي كويرات صغار
كتاخدي مول سيليكون تعمريه يالشكلاط ابيض دايب وتخويه مزيان وتكرطي الزوائد
دخليه الثلاجة حتا يبرد وتعمريهم بالكوك ونعاودي تخوي الشكلاط وتحيدي الزوائد
ودخليهم الفريكو وتحيديهم بالمهل ولصقتهم باقراص بالشكلاط اسود
والوسط زوقتو بالناباج دوبتو مع شوية الكليكوز و لون اصفر ونسمة الحامض
ان شاء الله لقا شي فيديو يشرح طريقة الشكلاط او ممكن ديرو فاليوتوب chocolat fourré ويعطيكم الطريقة
ها المول لي استعملت

halwat brisij4

halwat brisij5
هادو فينونسي

3asal fi albit6
قليبات بالزنجلان

3asal fi albit7
صابلي بنكهة اللوز والقهوة

halwat brisij8
حلوة الكبة باللوز

halwat brisij9
بريوات باللوز

halwat brisij10
حلوة بريستيج بالكوك ونسلي والفواكه المعسلة

halwat brisij11
صابلي رائع بعقدة اللوز ديال الاخت شهرزاد المطبخ فعلا غزال الله يعطيها الصحة

halwat brisij12
ادعيو معايا شي دعيوات الخير ويلا غبرت والله غير الظروف ودابا مريضو ماشكيت عليكم وكنكتب بزز
halwat brisij13