شرمولة رائعة لسمك السردين عجبت راجلي

سلام عليكم و رحمة الله و بركاته
 موقع شهيواتي  لكل ما يهم المرأة المغربيةالموضوع شرمولة رائعة لسمك السردين
عمرني ما شفت راجلي كيدير حوت السردين مقلي ساندويش في الخبز وياكلو
حتى البارح نهار وماطال كيمشي للمطبخ ويحل الخبز ويدير وسطو السردين
مسكين ما قدرش يقاوم لذة السردين المقلي اللي درتو
وطبعا ما قلت ليه السّر ..
ومالو سوقو فشي سر ؟؟؟؟؟
السر خليتو لصحاباتي هما اللي خاصهم يعرفوه
شرمولة الحوت اللي ممكن تمشي مع اي حوت
لكن انا درتها مع السردين منزوع الشوك وحوتة ملاصقة مع حوتة

المقادير و خطوات العمل:

التحميرا
الابزار
الثموما 6 اضراس
الملح
الكمون شوية
مركز الطماطم
شوية ديال الحامض مصيّر
شوية زيت العود او الرومية
ربيع مكرد رقيق
واللي تحب الحرور تزيد شوية الهريسة
بطاطا خضرة واحدة او اكثر حسب كمية الحوت انا درت بطاطا واحدة في كيلو ديال السردين بطاطا محكوكة فالحكاكة رقيقة
نخلط كل العناصر مع بعضها ولا نظيف ابدا الماء لان الزيت اللي درناه سيساعد على خلط العناصر بالاظافة ان الماء كيمرّج الخليط وكيـبسْـلو
نديرو سردينة مفتوحة ونعمروها بشوية من الخليط ثم
1 (1)
نغلقها بسردينة اخرى ..ثم نفرغ ما تبقى من لخليط على ظهر السردين ونتركه يتشرب مزيان
وبعد مدة من الوقت
نمرغوها فالفورص ونقليها في زيت حام
ولكن في عافية مهيلة باش نخليوْ الفرصة
للبطاطا باش حتى هي تـُـقلى
اللذة ما نحكيش ليكم عليها
 
انتما اللي دوركم تحكيوْ ليَ
اما القيمة الغدائية ف عالية جدا
تنفع الصغار والكبار