طريقة رائعة لتقديم السلطة للضيوف

المديرة | 2013.02.10 - 4:12 - أخر تحديث : الأحد 10 فبراير 2013 - 4:12 مساءً
ارسال
لا تعليقات
قراءة
شــارك
طريقة رائعة لتقديم السلطة للضيوف
السلام عليكم و رحمة الله و بركاته
 
موقع شهيواتي لكل ما يهم المرأة العربية يقدم طريقة رائعة لتقديم السلطة للضيوف 
 
طريقة رائعة لتقديم السلطة للضيوف 
مقادير و طريقة تقديم السلطة لضيوفك
 
سلطة المكرونة : المكرونة ملونة مصلوقة + علبة ديال التون ومليحة والمايونيز وشوية د الذرة وشوية د فلفل أحمر مشوي ومقطع صغير 
 
 سلطة الباربة : باربة مصلوقة ومحكوكة فالحكاكة الغليضة + شوية د المعدنوس رقيق ومليحة وم ص سكر وشوية د الزيت وشوية د الخل 
 
سلطة الفلفل : الفلفل أخضر وأحمر وأصفر مشوي ومقشر ودائما كيكون الأخضر أكثر من الألوان لخرين+ 1 مطيشة مقطعة مكعبات وبصلة مشلضة وزيت بلدية وشوية د الخل وملح و إبزار 
 
سلطة الجزر : جزر مصلوق مقطع مشحرمع بصلة صغيرة وشوية المعدنوس مع الزيت بلدية والخل وشوية د صويا صوص إدا مكنتش متستعمليهاش وشوية د ليبزار والملح كيتشحرو غير شوية ونخلطهم مع السلطة ونخليها تبرد مزيان 
 
سلطة البطاطس : البطاطا مسلوقة والبيض مسلوق مقطعين+ شوية د المعدنوس مقطع رقيق مايونيز والتون ممكن تضيفي حتى الذرة وطبعا الملح 
 
سلطة الكرنب : الكرنب مقطع رقيق كنعمل مقلة فيها شوية د الزيت بلدية ونزل عليها الكرنب ونعمل ليه المليحة ونغطيه على نار مهيييييييلة منين يبدى يدبال ضفي عليه م ك د العسل وشوية ليبزار والزبيب وخليه يطيب ومرة مرة حركي ودوقي واش هو هداك من الحلاوة لبقى خصو شوية د العسل ضيفي ليه منين يطيب خليه يبرد 
 
سلطة اللوبيا الخضرا : اللوبيا مصلوقة + مليحة شوية د الزيت والخل ولبزار غير شوية ماشي بزاف 
 
سلطة الأناناس : كنوجدها هي الأخيرة حتى نكون غادي نوجدو الطبق قطعي الأناناس على زوج فرغيها وقطعي لي فرغتي منها وقطعي تفاحة كبيرة وخلطي معاهم دانون فاني وعمري بيهم الأناناس
 
سلطة الروز : روز مصلوق مغسول شوية بالما بعد ما يطيب وخليه يقطر مزيـــــــــان ضفي عليه الكروفيت لي شحرتي فشوية زيت بلدية والكلمار مصلوق ممكن تستعملي الرجيلات د الكلمار والجنيحات وخلطي  كلشي مع الملح والمايونيز ويفضل تتوجد السلطة د الروز هي الأولى باش الكلمار والكروفيت كيطلقو ريحتهم مزيان ونراعي دائما الحاجة لي فيها الكروفيت منكترش ليها الملح حيت هو مالح حتى للأخير عاد ندوق لكانت ناقصة الملح نزيد شوية 
 
التزيين والتقديم كيبقى حسب الذوق ممكن يكون بالبيض مصلوق والكروفيت بقشورو مصلوق شوية فالما والخيار مقطع دوائر 
 
و بالصحة و الراحة
 
طريقة رائعة لتقديم السلطة للضيوف بالاناناس والماييس و الذرة1