2

عندك شي ريحة مليتي منها ??…اجي نوريك اش غديري بيها

سلام عليكم و رحمة الله و بركاته
 موقع شهيواتي  لكل ما يهم المرأة المغربيةالموضوع عندك شي ريحة مليتي منها ??…اجي نوريك اش غديري بيها
شحال من وحدة فينا تتشري شي ريحة و تتملها او تتجيها كادو و ما تتناسبش الذوق ديالها..
فتتبقى ديك الريحة غير معمرة الكوافوز بلا فائدة!

 الطريقة

غتاخذي ديك الريحة و اما تجيبي كلينيكس او ورق المطبخ، او زيف حياتي، او تاخذي شي
اطراف ديال شي حاجة من الملابس ما بقاتش صالحة لا لك و لا لغيرك انا كانوا عندي شي ملابس داخلية جابوهم ليا في الخطبة و مكنلبسهمش حيت ماشي ذوقي و قلت فهادي غينفعوني ههههه, و تقطعيهم على شكل مربعات او الشكل اللي بغيتي و رشيهم بديك الريحة حتى يحمدوا الله مشي غير رشيشة خفيفة.
2
هم فاش ينشفوا تكون الريحة عاطية فيهم مزيآآآآآآآآن. ايوا الالة غتجيبي المخاد اللي عندك و تحليهم
و تحطي هذاك طرف او جوج في وسطهم على حسب المخدة كبيرة او صغيرة..و طريفات اخريين تقدري تزيديهم
3
فالركاني او تحت من الطلامط و بالنسبة للفوطويات نفسس الشيء
و دكي الشرويطة مزيان تتغبر
5
..صدقوني الا درتيها فكل
المخاد ديال البيت اي واحد دخل غيشم الريحة زوينة..و اللي تتعاني من الرطوبة او بغات تعمل احتياطاتها تقدر
تزيدي معهم كموسات فيهم الخزامى و الورد طبعا ضد الرطوبة و هنا تضربي عصفورين بحجر.
6 (1)
نفس الطريقة بامكانك تديريها حتى للمخاد ديال بيت النعاس و الضياف طبعا.
نتمنى طريقتي تعجبكم