khobz b lhlib

كيفية تحضير خبيزات بالحليب tahdir lkhobz bi l7lib

موقع شهيواتي لكل ما يهم المرأة العربية chhiwati.com
يقدم لك سيدتي:  كيفية تحضير خبيزات بالحليب tahdir lkhobz bi l7lib

من الاخت ام اسامة و إيمان

المقادير : كيفية تحضير خبيزات بالحليب
500 غ دقيق الفورص لي كنعجبنو بيه الخبز ماشي د الحلويات + 200 غ حليب دافئ + 60 غ سكر + 2 بيضات + 50

غ زبدة لينة انا سخنتها شوية فالمكرووند حيت كانت باردة + 25 غ خميرة فورية + 5 غ ملح

الطريقة : كيفية تحضير خبيزات بالحليب
نخلط النواشف ثم نضيف البيض والزبدة ووشوية د الحليب ونخلط مزيان ونبدا نجمع العجينة وانا كنضيف حتى نسالي الكمية كلها

khobz b lhlib 1

العجينة فالأول كتكون كتلصق نرش الطابلة بشوية د الدقيق ونبدا نجمع العجين ونعجنو وحد 10 دقايق حتى نحصل على عجين ليين

نعمل منو كورة ونزلو في إناء مغطي ونخليه يخمر ساعة أو ملي نشوفو نتضاعف

بعد ما دازت ساعة وتضاعف الحجم كيف كتشوفو في الصورة رقم 2 هزيت العجين وخويتو من الهوا ورجعت شكلت منو كرة مرة اخرى ورجعتو للإناء وغطيتو يخمر مرة أخرى تقريبا ساعة
غادي تلاحضو أنه فالمرة التانية كيتضاعف الحجم أكثر من المرة الأولى

khobz b lhlib 2
قسمت العجين على 12 قطعة كل قطعة فيها 75 غ تقريبا عملت منهم كريصات

وباش نسهل العمل نزلت كل 4 قطع مع بعضهم كيف كتشوفو فالصورة باش ملي نجي نطلق العجين نطلق 4 في مرة وحدة

كنلوي كل قطعة على نفسها باش نحصل على رولي غطيتهم وخليتهم يرتاحو 10 دقايق
khobz b lhlib 3
بعد ما دازت 10 دقايق كنعاود نرتب ونشكل الخبيزات بالضغط خفيف على الجوانب باش نحصل على هاد الشكل

خليتهم مغطيين 30 دقيقة أخرى والفرن فهاد الووقت كيسخن على 200 درجة وعندي شوية د الما كيغلي

بعد 30 دقيقة دهنتهم بالبيض وجرحتهم 3 جرحات بموس ماضي مزيان
khobz b lhlib 4
نزلت مقلة بالماء غليان في الفرن باش نحصل على بخار لي غادي يساعد ان الخبز تنفخ اكثر

ودخلت الخبيزات يطيبو ملي تحمرو نقصت من درجة الحرارة ل 180 وخليتهم يكملو طياب
khobz b lhlib 5
وهاهما واجدين بالصحة والراحة
khobz b lhlib 6
نتمنى الوصفة تنال إعجابكم بالصحة والراحة
khobz b lhlib
khobz b lhlib 7