مسيمنات في الفران مورقين و معمرين

سلام عليكم و رحمة الله و بركاته

موقع شهيواتي لكل ما يهم المرأة المغربية يقدم لك سيدتي مسيمنات في الفران مورقين و معمرين

المقادير و الطريقة:

(العجين ) كناخذ نصف كيلو دقيق ابيض الفورص انا درتو غير وحدو (و ممكن تزيدو شوية الفينو )+نصف بكية خميرة الحلوة+جوج معالق كبار زيت+معلقة ص ملح +معلقة ص سكر نخلط كلشي بالماء دافئ و ندلك مزيااان تكون العجينة قاسحة شوية و نذهنها بالزيت و نخليها ترتاح نصف ساعة من بعد نشكل كويرات صغار نذهنهم بخليط من الزيت و القليل من الزبذة  و نغطيهم و نخليهم حتى يطوعو من بعد نسرح كل كويرة مزياااان و نورقها كما واضح في الصورة و ندير مقدار من الحشوة و نلوي الجانبين و نلوي على شكل طولي و نستفهم في اللاطة و نذهنهم بخليط من اصفر البيض مخلط مع قطيرة خل و شوية التحميرة باش كتعطي لون زوين و نذخلهم يطيبو في الفران حتى يتحمرو ____(الحشوة) كناخذ مقلاة نخوي فيها شوية الزيت و شوية الثومة ملح بزار و معلقة عصير الحامض و نشحر الكروفيت و نحيدو و في نفس المقلاة نشحر هبرة الحوت بنفس طريقة الكروفيت و نحيدو داءما في نفس المقلاة لان فيها البنة هههه كندير بصلة مشلظة تتشحر شوية +واحد كرعة خضراء + واحد خيزو محكوكين ممكن ديرو( حتى شمبنيون مقطع) و التوابل التحميرة شوية الكمون +لبزار +الملح++الزيتون مقطع شوية الحامض مصير مقطع +القزبر و المعدنوس مقطع +معلقة ص مطيشة الحك+شوية الهريسة كنشحر كلشي و نخليه على جنب كناخذ شوية الشعرية الصينية نرقدها في مرق قشور الكروفيت و نصفيها و نقطعها و نزيد عليها حتى هي نفس التوابل شوية من الحاجة كمون تحميرة بزار ملح و نخلط كلشي لحضرنا الحوت مع الخضر مع الشعرية و نخلي الخليط حتى يبرد و عاد نعمر بيه راه هاذ الحشوة كتجي لذيييذة ممكن تعمرو بيهم حتى البريوات و بصحتكم ا