نصائح و أسرار طبخ اللذيذ

  1. باش يجوك لي بول تاع لحم بنان زيدي معاهم سمن
  2. وباش يبقالك زيتون لونو شباب غلي معاه القارص
  3. كي يكون عندك بزاف ناس ولحم للبوراك قليل زيدي حبة بطاطا مغلية
  4. وباش تجيك الغراتان بنينة ديري سمن للخضرة وخليهم 10 دقايق فالفور وبعدها ديري لاصوص لي تحبيها .
  5. والفلفل كي تشويه فالفور دهنيه بزيت يجي بنين وساهل فالتقشار
  6. واللحم كي تكون رح تحمريه دوزنيه قبل وخليه يريح فالفريجيدار باش يجي بنين كتر.
  7. كي تنساي لا كوكوط و تتحرق كيما راهي ما تحليها ما تنحيلها الصفارة حطيها في باسينة فيها ما بارد و خليها 10 دقايق كي احليها تلقي الماكلة طلعت و بنة الحريق ماكاش…
  8. كي تقلي الحوت حطي الخل فالزيت باش ماتطلقش الريحة فالكوزينة.
  9. كي تقلي بوراك باه ميشربش زيت ديري فص توم وباه تضمنيه يكون ناشف وقفي حبات في كسكاس لاه يقطر هداك زيت
  10. ادا كانت مقله نتاعك تلسق سخنيها مليح فوق نار وديري لملح وحكيها ومسحيها برك واقلي فيها
  11. وباه تجيك لفريت بنينه كيف نتاع مطاعم كي تنقيها وطرفيها ديريها في ما دافي وشويه خل لمدت عشر دقايق وبعدها قليها علا نار شوي عاليه بلا تحراك حتا يتغير لونها للاصفر ذهبي قلبيها المعنئ زوج تقليبات برك باه تطيب كل فرق وحدو ومتتعجنش
  12. كي ديري المعجنات كيما الخبز وباه يجيك السطح احمر ويلمع زيدي قطرات خل للبيض وادهني بيه معجناتك
  13. والخبز تاني باه تجيك فيه شوي قرمشة في الاخير كي تخلصي العجن زيديلو شوية من خميرة الحلويات
  14. وكي تحبي تخبي الخضر في المجمد مثل الجلبانة والوبياء الخضراء ديري معاهم ورقات نعناع
  15.  تحبي تنشفي مرق بيضا دري مغرف نشاء وعصير قارص
  16. والزيتون الاخضر باه تتنحالوا هذيك الملوحة دريلوا مغرفة فرينة وخليه…وبعد ساعة اغسليه بالماء
  17. و لا صوص تاع الطماطم زيديلها مغرفة سكر باه متجيكش قارسة