lmalfouf m3ammr

ورق الملفوف او المكور زوين وبنين معمر بالروز والكفتة mlfouf maamr

موقع شهيواتي لكل ما يهم المرأة العربية chhiwati.com
يقدم لك سيدتي: ورق الملفوف او المكور زوين وبنين معمر بالروز والكفتة

مقادير وطريقة تحضير لمكور بالكفتة والروز

كناخد المكور كنرميها كاملة فالماء مغلي على النار ومنين تغلا كتبدا تفتح
وراقها ونفس الوقت الورقة الي فتحت كنزولها فكسكاس اتا تفتح كلها ونكمل.
نخليها تبرد
نوجد الروز 2 كيسان ونخلط معاهم 1 بصلة وثومة ومعدنوس وملح وابزار وعلبة المطيشة الحك
انفرش الورقة الملفوف ونحيد العصيات واخد الورقة الطرية ونقسمها مربعات
وانعمرها بالحشوة انستفها فطنجرة ونفرش لها الاوراق الي مانستعلهمش تحت
باش يحميه من الحراق وانحط عليهم طبيسل ميتهرش باش ما يتحلش منين نكب
الماء نضيف الماء الي يغطيه كامل وراس الثوم ارميه الي تيعجبه نزيد الملحة
وشوية الابزار ومنين يغلي نمهل العافية نخليه من ساعة الى ساعة ونص وتكون
الماء نشف مزيان او ممكن تخلي شوية قيمة نص كاس فيها اذا بغيتي باش اذا
زاد وبغيتي تسخنيه مرة اخرى
دوقيه واذا طاب حطيه بالصحة وعصري عليه الليمون الحامض تيجي بنين
وبالصحة والراحة

lmalfouf m3ammr