موقع شهيواتي لكل ما يهم المرأة العربية chhiwati.com يقدم لك ,لالة مولاتي, الحادكة,اسرار نظافة بيتي وسر راحتي اجي تستافدي

 

بالنسبة لتجفاف انا كنصح البنات بالجفاف تاع العصا باش ديما فينما حسيت بالارض تسخت او طبعت كندوز تجفيفة ولو نكون غي دخلت الكوزينة نجيب شيحاجة ولقيت شي طبعة ندوز بالزربة يعني نسيق تسييقة مغربية حارة ههههههههههههه مرة مرة ماش كل نهار وكل نهار نستعمل غير جفاف لي قلت عليكم ونستعمل مواد التجفاف يكونو زوينين انا كنستعمل bref

وباش متوسخش ليك الارض وتبقاي ديما تجفي ديري بلاكار حدا باب الزنقة كيف يدخلو الدار يحيدو سبابطهم وييلبسو بانطوفات طريقة التركية وكذلك علاقات الجاكيطات يكونو حدا الباب باش ميلوحوش ليك الحويج فوق السدادر وفينما والاهم ساليتي التجفاف خودي عود الند شعليه انا مكيخطانيش

بالنسبة الخبز انا كنعجن بالزايد وكنجمدو وكل مرة نجبد بالنسبة العاجين لي معندوش عجانة يغدر العجينة كيف كيقولو الناس القدام يعني من الاول ديري الماء متقسحيهاش ودوجمعيها وديها وجيبيها وغطيها وخليها حتى تضاعف عاد صايبيها كيجي فحالة ليل كولو وتي دلكي

نصائح بسيطة

-باش تجري على النمل البلايص لي كيتجمع فيها ديري الجنجلان والبلاصة لي كيخرج منها سديها بمعجون الاسنان

-خرجت ليك الغمولية رشيها بجافيل اشي وخليها وغتحيد بوحدها -المقراج ولا ليك فيه كالكير ديري فيه قد الماء قد الخل وخليه يتبخ من بعد حكيه -باش تخلي الاواني تاع الاينوكس كتشعل حكيه بالخميرة المعجونة مفزڭة في الما وعاد غسليه -تغبقت ليك الكوزينة بالدخان ملي تحرقت ليك شيحاجة خودي فوطة فزڭيهة ودووريها فالكوزينة ديما دوقي الماكلة قبل متحطيها الى كانت مالحة زيدي بطاطة باش تمص الملح -درتي المرقة وجاتك جارية ونتي بغيتي المرق خاتر خودي نص معلقة تاع المايزينة خلطيها فشوية الماء باش متكورش وزيديها -تقشرت شي بلاصة في الكوزينة خاصة التلاجة لاولات فيها ش ضريبة معليك غي بصباغة الضفار.

البنات واحد القاضية مخاصهاش تبقا نهائيا هي دوك ماعن لعشا لي كيبقاو تال الصباح الصباح راه نهار جديد خاصو يبدا نقي ويبدا بتوجاد الفطور ماشي غسيل ماعن العشا فبلاصت متخليهم قولي لا خاسني منعس تانغسلهم باش صباح يكون الشقا قليل.

لاڤابو ملي كدوز غي سيمانة محكيتيهش كيطبع حيت انوكس قبل متنعسي خوي فيه جاڤيل وخليه فيه في الصباح غي دوزي الحلفة وغيولي يشعل وكذلك ملي تغسلي الدجاج باش ميبقاش مزفر ديري جافيل واحسن باش يجيك ساهل ديري وسطو شبكة البلاستيك كتكون على قد لاڤابو.

اسرار نظافة بيتي وسر راحتي اجي تستافدي