وصفات متنوعة مجلة الوصفات المتنوعة لكل ما يهم المرأة العربية
الخل بالاعشاب بمناسبة عيد الأضحى
الخل البلدي او خل الاعشاب هومن اهم ما تحضره المراة الصحراوية استعدادا لعيد الاضحى
و هو يمكن يتوجد قبل العيد على الاكثر باسبوع ، وانا بديت كنصاوبوا رغم اني لست صحراوية
لاني وجدت ان له منافع كثيرة :
- كيستعمل مع الشواء و هو كيهشش اللحم و يردوافتي وكيزيدوا مذاق
- كيستعمل مع القديد
- كنشربوا كشراب للاوجاع الي كيديرها كثرة اكل اللحم
- و كنستعملوا انا حتى للشواء الدجاج او صدر بيبي وهادي اسبوع عاد سالا ليا ديال العام الماضي .
المقادير :
-العنبر – الورد – الحناء ورق – السنبل – الريحان – سرغينة – خدنجال – القرنفل – القرفة عود
الفرتكة – الزعتر – الكوزة – الملح حية – السواك – الخرقوم عواد – سكنجبير – لحيت الشيخ
ورقة موسى – 5 تمرات – حامضة – الماء يكون دافئ
الطريقة :
تنقي الاعشاب و ترميها في اناء كبير و نضيفوا ليها التمر و الحامضة مقطعةعلى اربعة
و الماء انا استعملت في المقادير تقريبا 6 لتر .
تنغلقوا على الخليط و نوضعوه في مكان دافئ ولا يفتح الا يوم العيد
يصفى و يستعمل الماء فقط .
نتضروني ان شاء الله يوم العيد غادي نوريكم النتيجة
ملحوظة : من الاحسن المراة الحامل تبتعد عن جميع الاعشاب
صاوبوه وجربوه راه الى ولفتوه ما غادي يخطاكم .
