سلام عليكم و رحمة الله و بركاته موقع شهيواتي لكل ما يهم المرأة المغربية يقدم لك سيدتي بريوش بثلاثة ألوان
المقادير:
- 500 دقيق
- 300 مليلتر حليب
- 60 زبدة دايبة
- 80 سكر
- 2 معالق كبار عسل
- خميرة معجونة
- شوية الملح
لتزيين
- 20 كاكاو
- معلقة كبيرة قهوة سريعة الدوبان
الطريقة:
تنعجن كل المقادير بالحليب تدلك مزيان ثم قسمتها الى 5 قطع متساوية
ضفت شوية الحليب للكاكاو باش يسهال علينا ندمجوه مع العجين
و دوبت القهوة في شوية الحليب
ذيت قطعة ضفت لها القهوة و قطعة ثانية ضفت لها الكاكاو مع اضافة القليل من الدقيق حتى نحصلو على عجينة لينة
بقات عندي 3 القطع بيضاء غطيت كل العجين و خليتهم يخمرو
بعد ما خمرات طلقت بالمدلك العجين الأبيض على شكل مستطيل
ثم طلقت العجين بالكاكاو و وضعتو على الأبيض ثم فوقو عجين أبيض
تنطلق العجين بالقهوة و تنوضعو من الفوق و في الأخير العجين الأبيض
تنعاود نطلقهم كلهم بالمدلك و تنلوي العجين على شكل رولو
و تنقطعو دوائر بحال الشنيك
دهنت المول بالزبدة و الدقيق و ضعت 2 قطع من العجين مائلين بنفس الطريقة حتى يعمر المول
عندي المول صغير بقات عندي العجينة وضعتها في مول اخر وحدة جنب وحدة
خليتهم حتى خمرو مزيان طيبتهم خليتهوم يبردو و قطعتهم شرائح
بالصحة الراحة