موقع شهيواتي يقدم لكم: بغيتي مريقة خاترة عندي السر
طبعا اغلبيتنا كانوجدو المرقة يوميا خصوصا في الغدا.
انا اكتشفت واحد السر باش تكون المريقة ديالك خاترة و بنينة .
شوفي يا لالا ملي تبغي تنصبي ديري البصلة هي الاولى مع التومة تقلا شوية
عاد زيدي قطع اللحم أو الدجاج حتى هما يتقلاو بدون عطرية ,
وقبل ما تمرقي الطاوة ضيفي معلقة ديال الدقيق وحركيها مع البصيلة و التومة حتى هي واحد 3 دقايق عاد زيدي
الماء و العطرية و الربيع.
هادشي اللي لاحضت كايديروه الطباخين الكبار من خلال متابعتي لبرامج الطبخ و ملي جربتو فعلا نتيجة رائعة.
أولا الدقيق باش تجينا المريقة عاقدة.
ثانيا العطرية و الربيع ماخاصهومش يتقلاو باش مايتحرقوش.
انا شخصيا ولات هدي هي طريقتي اللي مانستغناش عليها .