وصفات متنوعة مجلة الوصفات المتنوعة لكل ما يهم المرأة العربية
موقع شهيواتي يقدم لكم : طارت بالبسكوي والحامض رائعة بمعنى الكلمة بالصور التوضيحية
مقادير طارت بالبسكوي والحامض
مقادير طبقة البيسكوي
علبة ونص بسكوي مطحون تقريبا 300غ
100 غ زبدة ذايبة أو الزبدة لي تجمع ليك البيسكوي
مقادير طبقة الكريمة
علبة ونصف حليب نيسلي محلى
3 أوراق جيلاتين
عصير 4 حامضات (ليمون) أوحسب الذوق
( ليمون )
طريقة تحضير طارت بالبسكوي والحامض
طريقة تحضير طبقة البسكوي
نخلط جيدا البسكوي مع الزبدة
نعملو البسكوي في المول الكيك لي تيتحل من الجناب ونستاعنوا بغطاء قالب الحرشة أو بشيئ من هذا القبيل باش نقادو الطبقة البسكوي وتجي متساوية وندخلوها للمجمد لمدة 5 دقايق أوممكن ندخلوها للفرن نفس الوقت
طريقة تحضير طبقة الكريمة
نرطبو الجلاتين في الماء وفي نفس الوقت نعصرو الحامض( ليمون)
ونسخنو منو واحد الشوية فين نذوب الجيلاتين
ونضيفو خليط الجيلاتين وحامض (الليمون) على حليب نيسلي محلى
وخا في الأول تيبان الخليط خفيف مع التحريك غيعقاد
نصبو الكريمة فوق طبقة البسكوي
ونحاولو نعطيوها شكيل جميل
براس ملعقة كبيرة كنجرو فوق الكريمة من الطرف وبلا منغرق ونوقف فالوسط وهكذا حتى نكملو وكنحصلو على هاد الشكل
ثم ندخلوها للثلاجة على الأقل 4 ساعات ثم نقدموها وكل ما خلينها أكثر يكون أحسن
وهاهي طارت البسكوي والحامض واجدة ونزينوها بقشور الحامض معسلين
وبالصحة والراحة
