وصفات متنوعة مجلة الوصفات المتنوعة لكل ما يهم المرأة العربية
موقع شهيواتي يقدم لكم: طريقة تحضير البريوات باللوز
البريوات باللوز500 غ لوز
1 م ص قرفة
350غ سكر كلاصي
4 دالبيضات مطربين
ورقة البسطيلة
زيت لقلي اللوز
ربع م ص مسكة حرة مدقوقة
ربع كاس ماء زهر
زيت لقلي البريوة
لعسل
كنسلقو اللوز و نقشروه و ننشفوه ثم نقليوه فزيت سخونة
منين يبرد نطحنوه
نضيفو عليه السكر كلاصي و القرفة
كناخدو تقريبا كاس الا ربع دالزيت لي قلينا فيها اللوز ونديروها فطاوة على نار مهيل تغلي و نضيفو عاد اللوز
و نخلطو حتى يتجمع لينا اللوز
نضيفو البيض على مراحل و كل مرة نضيفو البيض نخلطو بسرعة باش مايطيبش البيض
كنضيف ماء زهر
و نستمر فالتخلاط و دائما على نار مهيلة
حتى تجمع لينا الخليط
كنطفيالنار و عاد كنضيف المسكة الحرة باش ماتقسحش لي البريوا
منين بردات عملتها كويرات
كناخد الورقة كندهنها بشوية دالزيت و الجناب كندهنهم بالبيض
ثم كنبدا نطوي البريوا بالشكل المعتاد غير نتبهو مع الجناب نسدوهم مزيان باش ماتخرجش لينا العقدة منين نكونو كنقليوها
تم كنجي لهاد الطرف لي كيبقى كندهنو بالبيض
دري الزيت تسخن مزيان و رمي فيها لبريوا
و فنفس الوقت دري العسل كيسخن و نقصي عليه البوطا
منين خداو اللون الذهبي زوليهم من الزيت و رميهم فالعسل
ثم من بعد عمليهم يتصفاو
منين وجدو زوقيهم بالزنجلان
