وصفات متنوعة مجلة الوصفات المتنوعة لكل ما يهم المرأة العربية
سلام عليكم و رحمة الله و بركاته
موقع شهيواتي لكل ما يهم المرأة المغربية يقدم لك سيدتي طريقة عمل الطمينة ( تقنتة) بالصور
تـَقَـنـْتـَة بحال سلو بالصور
المذاق ديالها تقريبا بحال سلو نخليكم مع المقادير والطريقة
المقادير:
- الدقيق كيلو و 400 غ
- زلافة ديال لوز مصلوق مقلي مهرمش
- نصف زلافة ديال زنجلان محمر شوية
- تقريبا 1لتر من الزيت حيدي منو100 مليلتر قلي فيها اللوز
- 2معالق كبار ديال القرفة مطحونة
- تقريبا زلافة عامرة ديال السكر بودرة اوما يعادل 200 غ
الطريقة:
نديرو الزيت فوق النار نخليوها تسخن
بعد ما سخنات الزيت نزيدو ليها الدقيق شوية بشوية مع التحراك مزيان
نخليها طيب على نار هادئة شوية ونبقاو نحركو كل مرة باش متحرقش راه كتعطل فالطياب تقريبا ساعة ونصف
نخليوها حتى اولي اللون ديالها بحال الكراميل ونطفو عليها نخليها تبرد شوية
مين بردات شوية نزيدو لها السكر واللوز الزنجلان والقرفة نحركو مزيان بالطراب اليدوي
نخليوها تبرد مزيان شي 3 دسوايع عاد نقدموها
كنحتافضو بيها فالقرعة ديال الزاج تكون كبيرة ومع الوقت راه كتصفي داك الزيت الفوق الى بغيتو تحيدوه ليها وتقدموه ناشف
