موقع شهيواتي يقدم لكم: فروج بلدي محشو بالشعرية الصينية

من الأخت أم رياض الله يجازيها عنا كل خير

المقادير:

فروج بلدي ( يمكن نستعملو حتى الدجاج الرومي ) شعرية الصينية بطاطس سكنجبير طري محكوك ثوم محكوك زعفران شعرة ورق الرند قصبر مقطع معدنوس مقطع سمن زيت الزيتون ملح إبزار خرقوم سكنجبير موتارد

نشرمل الفروج بالثوم و السكنجبير طري و موتارد زعفران شعرة و الإبزار و سكنجبير و الخرقوم و رقت الرند معدنوس و قصبور مقطعين و سمن و نخليهم ليلة كاملة في الثلاجة

فالغد نرطب الشعرية الصينية في الماء الساخن و نذهنها بزيت العود و نشرملها بنفس الشرمولة لي شرملنا بها فروج و نعمربها الفروج نقشر البطاطس و نقسمها على 2 و نشرملها بنفس الشرمولة لي شرملنا بها فروج

نضع الفروج المحشو و البطاطس في المول و نغطيه جيدا ثم ندخله للفرن متوسط الحرارة من يعراق و يطلق مرق ديالو نصفوها و نذهنوه بها مرة مرة حتى يطيب و يتحمر

مكنديوش الماء هو كيطلق المرقة ديالو

تم يقدم بالصحة و العافية

بالصحة والراحة

أختي شاركي الوصفة من فضلك

فيسبوك

تويتر

واتساب

غوغل+