للأظافِــــر الصفرآء و المتكسرة

ان شاء الله كامل بخير وعافية ان شاء الله تكون وصفاتي فادتكم اليوم جبتلكم وصفة ساهلة ونتائجها روعة من اول استعمال رح تلاحظي الفرق اذا كنتي من النوع الي تاكل أظافرها ننصحك تحبسي الطبيعة هاذي باسك جمال يدين لمرة في نعومتهم ولمعة أظافرهم اذا كنتي تعاني من صفار أظافرك ولا تعباتك وهي كل مرة تتكسرلك او انتظرتي بالزاف باش تطوالك اليوم وصفتي هاذي تحلك كامل المشاكل هاذو بإذن الله ما نطولش عليكم نبداو

المكونات :

نحتاجو : - عصير حبة قارص " الليمون " - 2 ملاعق كبيرة ملح

• حبة ليمون مقطعة دوائر

الطريقة:

نخلطو الملح مع القارص ماشي حتان يذوب الملح لالا احنا نحتاجوه مش ذائب نخلطوهم غير جهد ما نشوفوهم دخلو في بعض  نضيفولهم الليمون مقطع دوائر  اغطسي اصابعك كامل فيها وحاولي تحكي الملح وتدخليه بين الظفر واللحم ماشي بالقوة بشوية برك خليهم منقوعين لمدة ربع ساعة وما تغسليش الخلطة خليها تنشف على يديك روحي اقضي صوالحك ومبعد اغسليهم استعملي نفس الطريقة ثلث مرات في اليوم رح تلاحظي الفرق بدا يظهر من ثالث يوم ان شاء الله اما الي أظافرها صفراء مع اول استعمال رح تلاحظي بياض ونظافة في أظافرك ما شاء الله رح تعجبك النتيجة ان شاء الله