وصفات متنوعة مجلة الوصفات المتنوعة لكل ما يهم المرأة العربية
السلام عليكم و رحمة الله
المقادير :
العجين :
2 زلايف طحين فرص
كاس أتاي زيت مخلطة مابين بلدية و رومية
ملح،معلقة كبيرة سنيدة
معلقة كبيرة خميرة عجينة ما عامراش، 1 خميرة حمرا
ماء دافي للعجن
الحشوة :
بصلة،خيزو وكورجيت محكوكين،كفتة،شوية ديال الشحمة مقطعة،ملح ابزار خرقوم سكين جبيرو كمون، قزبر و معدنوس مقطعين
و كاتبقى الحشوة اختيارية انتي و اللي متوفر عندك و حتى الكبدة ديال الدجاج كاتجي زوينة
كانخليو العجينة ترتاح 5 دقايق
من بعد كانديرو منها كرات اللي كانطلقوهم بالدلاك و نقطعوهم بقطاعة أو زلافة اللي كان عندكم و بالقطر اللي بغينا
وكانبداو نشكلو الأشكال اللي بغينا مثلثات و شوصون نخليكم مع الصور باش نوضح لكم أكتر
هادي طريقة المثلثات
من بعد ما كملنا كاندهنو المثلثات و الشوصون بصفار البيض و نزينوهم بالحبة السوداء أو اللي موجود عندك و ندخلوهم يطيبو في الفرن يكون سخون
وبالصحة والراحة
