وصفات متنوعة مجلة الوصفات المتنوعة لكل ما يهم المرأة العربية
اليوم حبيت نتكلملكم شوي على المناطق الخشنة في الجسم سبب سوادها وطرق العلاج اولا المناطق الخشنة أغلبنا نعرفوها والي هي منطقة الركب , الكوعين , الكعبين .. ونقدرو نظيفو عليهم أسفل الرجل ككل يعني من الكعبين وأسفلهم .
أسباب سواد المناطق الخشنة :
- أولا ومن أهم أسباب جفاف وسواد المناطق الخشنة هو نقص شرب الماء الكافي لجسم .. كلنا نعرفو انو لما ينقص الماء في جسمنا تصبح بشرتنا جافة ومتعرضة للتشققات للسواد .. وغيرها من المشاكل عكس لو نشربو مقدار كافي من الماء رح يبقى الجسم رطب ويحافظ على لونو الأصلي ويكون ناعم وفيه لمعة خفيفة مالا احرصو انكم تشربو كمية كافية من الماء كل يوم ومقدار 3 لترات في اليوم - المناطق هاذي تكون خشنة لأنها تتعرض لملامسة الأسطح أو الارض أكثر من باقي أعضاء الجسم - عدم ترطيب الجسم بشكل دوري على الأقل كل 3 ايام للي تتفنين ترطب يومياًنروحو لطرق العلاج :
قلنا احرصو على انو تشربو كمية ماء كايفة بمقدرا 3 لترات في اليوم ثاني شي اعتمدو تقشير المناطق هاذي مرة الى مرتين في الاسبوع التقشير يكون بزيت الزيتون والسكر أو بخلطة حليب لحظة الفاسد والملح - أيضا ابتعدو على خلطات التبييض الي تستعملوها للوجه وللمناطق الحساسة لالا مش نفس الشي لانو المناطق الحساسة البشرة تاعهم رقيقة ويظهر فيها مفعول الخلطة لكن المناطق الخشنة راهي ما تتقبلش الخلطات هاذيك لازم نستعملو ليها خلطات تكون تحتوي على سوائل باش ترطاب المناطق الخشنة بالسائل الي في الخلطة وتعطي مفعول - وقت الصلوات ما تفرشوش السجادة على الأرض مباشرة من الأحسن تكون فوق زربية لأنو لما تكون السجادة على الأرض رح يحدث احتكاك أكثر وضغط على الركب مما يسبب سواد للمنطقةنروحو للخلطة :
بعد ما تقشرو المنطقة جيبو - كاس ماء - ثلاث ملاعق خل أبيض - عصير ليمونة - 2 ملاعق كبيرة ماء الورد قطعة قماش ( ضمادات طبية )
الطـــــريقـــة :
خلطو المكونات وجيبو الضمادات اغطسوهم فيها وضمدو بيهم الركب وهما مبلولين ما تعصروهمش بالزاف لازم يكونو الضمادات مبلولين بالخلطة , الي تخاف تحس بالبرد تدير الضمادات تغطيهم بساشي وتعاود تغطيهم مليح بقماش ولا تلبس فوقهم فيزو .. هاذي فيما يخص الركب والكوعين
الي تحوس تستعملهم للأرجل تجيب جوارب رياضية تكون قديمة
بنفس الطريقة اغطسوهم في الخلطة والبسوهم خلوهم حتى يجفو عاودو اغطسوهم والبسوهم لمرة ثانية بعد ما يجفو اغسلو رجليكم وشوفو النتيجة
ما تنساوش الترطيب من بعد من الأفضل بزيت الزيتون في الليل أو أي مرطب تحبوه
