وصفات الدكتور جمال الصقلي لتبييض الوجه و ازالة البقع


السلام عليكم و رحمة الله و بركاته

 
موقع شهيواتي لكل ما يهم المرأة العربية يقدم وصفات الدكتور جمال الصقلي لتبييض الوجه و ازالة البقع
 
وصفات الدكتور جمال الصقلي لتبييض الوجه و ازالة البقع
 
مكونات و طريقة تحضير وصفات الدكتور جمال الصقلي لتبييض الوجه و ازالة البقع
 
 
الوصفة هي 
ملعقة صغيرة من الودع
هاد الودع معرفتش شنو هو و أول مرة سموعتو من الدكتور جمال الصقلي
و قلبت عليه ف
google
و عطاني هاد الصورة
وصفات الدكتور جمال الصقلي لتبييض الوجه و ازالة البقع الودع
 
صراحة مقتانعتش بلي هادشي يصلح لتبييض الوجه
إوا و عرفت الاغلبية بغاو اعرفوه من كثرت ما شكر فيه الدكتور الصقلي لتبييض البشرة و حيت دائما كنبغي نقدم وصفات مكمولة و مشروحة لزائرات موقع شهيواتي  سولت ليكم عليه عكوزتي و عرفاتو و مشات جابتو ليا من عند العطار و فعلا بحاااااااااااااااال لي فالصورة تماما و قالت لي بلي كيدق وكيتطحن و كيدار لوجه
و عاد تأكدت بلي هوا هادا الودع لي تكلم عليه الدكتور جمال الصقلي
و جيت نكتب لزائرات موقع شهيواتي على وصفة الودع 
 
و بغيت نزيدكم الدكتور جمال الصقلي اي وحدة تاصلات بيه قاتلو فيا ليطاش اول كحولية او كلف كينصحها بالودع
عكوزتي جابت ليا 2 ودعات ب 2 دراهم لوحدة غير باش نشوفهم و نتأكد
يعني الثمن ديالو مشي رخيص بزاف حيت غادي تحتاجو لشحال من ودعة حيت ملي كيدق و كيتطحن مكيبقا فيه والو
 
ندوزو دابا للوصفة لي غادي تحتاجي فيها
كيف ما سبق لي قلت ملعقة صغيرة من الودع
ملعقة صغيرة غسول ابيض
 ملعقة أبيض البيض مطرب كالثلج
ملعقة عصير الحامض
ملعقة عسل حر
يتخلط كلشي فالمكسور و ممكن ضيفي للوصفة اي 
فاكهة بحال هاد الوقت كاين الفريز زيدي فريزة او خوخ او مشمش اللي موجود مع الوصفة فالمكسور
 
المهم إليك الطريقة: ديري الودع فالحامض لمدة 3 دقائق، تم من بعد كتخلطي جميع المقادير ملعقة صغيرة من كلشي تخليه فوجهك، خليه حتى ساعة ونص خاصك تكوني مسترخية، و مضحكيش و ياريت و نتي دايرة الوصفة تكوني كتفكري فشي حاجة زوينة هادشي كامل وصى عليه الدكتور جمال الصقلي 
حيت لوحدة إلا دارت شي وصفة و بقات كضحك او كتهضر راه كيخرجو ليها التجاعيد
من بعد ملي تغسلي وجهك دهني بزيت الزيتون مزيااان
ديري الوصفة 3 مرات في الاسبوع
 
و نتيجة جي عاودي لينا عليها بنفسك
 
 
وصفة اخرى من الدكتور جمال الصقلي لتبييض الوجه و إزالة البقع
 
 
نغسلو الوجه بالصابون المرة الاولى بطريقة عادية و المرة الثانية، نخليوه فالوجه حتى ينشف تقريبا 30 ثانية، و نغسلوه و نشفوالوجه و نذهنوه بزيت الزيتون، و نخليوه قد ما بغينا منين نبغيو نعسو نمسحو الوجه من ذيك الزويتة و نذهنوه بعصير برتقالة الزنبوع و ها صورة ديالوحتا هي جبتها ليكم باش تعرفوه اكييييييد عرفتوه إيييييييييييييييييه الليمون لي كيكون فالشجر د الزنقة
وصفات الدكتور جمال الصقلي لتبييض الوجه و ازالة البقع الليمون
 
و نعاودو ندهنوه بنفس العصير بعد دقيقة
إلى كان الوجه فيه بقع من بعد إستعمال هذ الوصفة غادي يبانو أكثر لأن الوجه غادي يبياض و فهاد الحالة نبداو نديرو الوصف غير فوق البقع حتى يختفيو
 
 
كنتمنى تستافدو من المجهودات الصغيرة لي قمت بيها باش نوضح ليكم اي حاجة مواضحاش او ممفهوماش و ان شاء الله غادي نحاول نوضح ليكم اغلبية الاعشاب و المكونات ديال وصفات الدكتور جمال الصقلي 
 
و ان شاء الله كل يوم غادي نزل ليكم فيديو للاستماع لوصفات الدكتور جمال الصقلي

 

أختي شاركي الوصفة من فضلك