وصفة عصير البرتقال كثير و اقتصادي

موقع شهيواتي يقدم لكم: وصفة عصير البرتقال كثير و اقتصادي

باسم الله الرحمن الرحيم

اللي تتبغي عصير البرتقال وبغات تشريه من دبا باش تنقصو عليها تتبع هذه الطريقة اذا عجباتها راه تيجي مذاقو بحال “فانتا فلوريدا” الا مازالين عاقلين على مذاقها .

تناخذو 4 برتقالات ننقيوهم من قشورهم ونقطعوهم على اربعة او نفرقوهم شنينفات وناخذوا برتقالة واحدة ونخليوهها بقشورها ونقسموها على اربعة بحال الاخريات ونديرهم في ميكة ونسد عليهم وناخذو الحامض حتى هو ونخليه بقشوره وحتى هو نقطعو على اربعة وندير كل حامضة في ميكة بوحدها ونسد عليها

مقادير عصير البرتقال كثير و اقتصادي

-4 برتقالات مقشرة ومقطعة وبرتقالة بقشورها مقطعة على اربعة - حامضة بقشورها مقطعة على اربعة - لتر ماء - 2 كيسان كبار ونصف ديال سنيدة هذه الطريقة تتسهل الخدمة حيت تتولي غي تتحلي الميكة وترمي في الطنجرة يمكن ليك تديري عدد من الميكات وتديريهم في الكونجيلاتور وكلما احتاجيتي تصاوبي عصير جبدي ميكة تخدمي بيها

الطريقة عصير البرتقال كثير و اقتصادي

- خوذي الميكة وخويها في الكوكوط , وزيدي عليها حامضة بقشورها ومقطعة على اربعة وزيدي عليهم 2 كيسان كبار ونصف ديال سنيدة ولتر من الماء وديرهم يطيبوا فوق العافية لمدة ربع ساعة. - يترك العصير ليبرد جيدا يعني سيري اقضي شغالك ونسايه حتى يبرد على خاطر خاطرو - حطي قدامك 4 لتر ماء وجديها وحطي حتى الخليط . - جيبي مولينكس وتبداي تديري شوية من الخليط وشوية من الماء واطحني مزيان واخوي في صفاية كبيرة او غربال يكون فوق شي بانيو او فوق الكوكوط اللي غتهز ليك العصير كلو - تبقاي تعاودي العملية في مولينكس حتى تسالي الخليط - الماء اللي غيشيط ليك حتى هو صبيه فوق العصير وهانتي عندك اكثر من 5 لتر من العصير . -ديريه في شي بيدو والباقي في قرعة ودخليه للثلاجة وبالصحة والراحة ايوا الا عجبكم هاذ العصير شي دعيوة فاااااااااااعلة تاااااااااااااااااااركة