اجي تولي غزااالة فمدة قصيرة و بصور كلشي مجرب

العناية بالشعر, العناية بالجسم, العناية بشكلك, كريم عادي, ترطيب الجسم, مزيل العرق, صوبا تالكرعة الخضراء, جسم متناسق, الكامون, دوف, الصابون البلدي, ازير, الحمام, لون واحد, كريم مرطب, DEEP WHITE, تيحيد تراس, , للجسم, العطار, غاسول عادي, الاسكينول, الاسكينول طبيعي فدار, الاسكينول طبيعي, شمبوان , ديميلور, شمبوان او ديميلور, كليس, منع الحمل, الشعر غزال, قوي او لامع,قوي, لامع,زيت اللوز, كريم نيفيا,مجرب,

اجي تولي غزااالة فمدة قصيرة و بصور كلشي مجرب

العناية بالشعر

شعرك قليل او قصير او عيان بدرهم واحد ترجعيه غزال او على ضمانتي تشري حبة راس من عند العطار حمريها او طحنيها بوحدها حتى البرد او زيدي معاها الحرمل او القرنفل دابة صيف حبة راس بوحدها راه رائعة طحنيها او خلطيها مع الزيت العود اولا زيت الي بقات عليك من القلي متاع البطاطا او ديريها فبواطة صغيرة شقي بيها شعرك مزيان او خليها نهار كلوا حتى ليل او مشطي شعرك او صوتي عليه ريحة متاع الشعر باش ميهربش راجلك هههه او باتي بيها

المهم باش ما بقات بزاف مزيان لشعرك ها الشكل متاعها
غسلي شعرك من بعد بشمبوان او ديميلور الخاص بيك انا تندير كليس مزيان القرعة متاع شمبوان لوحي فيها واحد العشرة تلفانيدات تمنع الحمل الى عندك او لا بنسبة لفتياة خوديهم من عند مرات خوك او شي وحدة مزوجة خليهم حتى يدوبوا او بداي تغسلي بداك الشمبوان تيخلي الشعر غزال او قوي او لامع او مفيه حتى ضرر او ديري ليه شوية تزيت اللوز او زيت الكوك باش يبقى رطيييب عاد ديري كريم فيه ريحة زوينة يخليها فيه انا تندير كريم نيفيا او لا هاد الكريم الاخر

 

العناية بالجسم

صافي كملنا من الشعر نجيو للجسم جسمك فيه 16 لون كلى مكان فلون او مصافيش او مزوينش بسهولة ترديه غزال لكن الى فقتي من نعاسك باركة من العكز راه كيغوت جسمك منك ههههه
غتمشي عند العطار تاخدي معاك 140 ريال صافي شري درهم حناء + درهم عرعار +درهم خزامة+ درهم ورد +درهم غاسول عادي +درهم ازير+درهم الخرقوم بلدي صافي هي 140 ريال جيبيهم دقيهم او غربليهم بعد ما تنقيهم او خوضيهم بالماء طايب مع الاسكينول الى كنتي حادقة صاوبي الاسكينول طبيعي فدارك او لا ديري غير الماء طايب بوحدوا غنعطي طريقة الاسكينول من بعد المهم خوضيه او خليه حتى يبرد ها الشكل متاعوا


حيدي حوايجك كاملين او وجدي شي سروال لاصق او تريكوا لاصق سخطات عليه موا هههه لانوا هو لي غتلبسي على دواء دهني جسمك كامل مزيان او خليك شوية حتى تيبسي او لبسي دوك الحوايج او بقاي نهار كامل حتى ليل الى كنتي مزوجة غسلي الخليط بالماء فقط او غيري حوايجك الى كنتي باقي بلا زواج ديري مابغيتي حكيه على جسمك غيبدا يتحيد غيبقى غير لي لصق فاللحم او تخليه اليوم تاني نفس الشكل عاود دهنيه او خليه حتى ليل او غسليه بالماء بوحدوا بدوووووووون صابون او حتى حاجة المهم انت وحداقتك 3 ايام 4 او 7 او انت مستمرة على الوصفة انت وحداقتك نهار الاخير وجدي ازير لي غكوني درتي نصوا مع الخليط او نصوا خبيتيه غتجبديه دابة غيكون مدقوق او مغربل باش يكون رقيق بهاد الشكل

خلطيه مع الصابون البلدي دخلي للحمام او شللي بالماء مزيان او دهني بالصابون البلدي او ازير او خليك واحد الشوية عاد بداي تتحكي او اجي تشوفي شنوا غيوقع راه لحم الخايب غتخليه فالحمام او غتخرجي بلحم كيحمق بياض او رطب او لون واحد بلا كترت الوان هههههه خرجي من الحمام دهني جسمك بكريم مرطب انا تنستعل هادا داير شي 150 درهم لكن راااااااااائع سميتوا DEEP WHITE تيبيض او تيحيد تراس واخا يكون قديييييم ها صورة متاعوا

او لا تستعملوا كريم عادي تمن ديالوا 40 درهم تقريبا مبقيتش عاقلة لكن دوروا غير ترطيب الجسم


صافي ولى جسمك رائع الان متنسايش مزيل العرق انا تندير دوف ريحتوا راقية او امن اما بعض الانواع راه خطار بزاف على الصحة كيدير 20 درهم فقط

العناية بشكلك

كملتي من جسمك او شعرك باقي ليك شكلك واش فيه شي بطن شكلها غريب او انت جسمك متناسق او لا ادا بلا رياضة بلا صداع ديري عصير او صوبا كما لي غيقادوا ليك جسمك او شربي فيهم قداش ما بغيتي نبداو بصوبا الكرعة الخضرة مع الكامون او البصلة او شوية تزيت العود او سكنجبير ديريهم فطنجرة مع الماء حتى يطيبوا او طحنيهم فمولينكس او طبخيهم عاود شوية حتى تختار او ديريها هي عشاك اما الغداء عنداك تجمعي بزاف تلبروتينات فحال الى كليتي الخضار متاكليش الخبز او الروز او الى كليتي الروز متاكليش اللحم المهم حاجة وحدة كلي منها مزييييييييييييان تضعافي بسررررررررعة مدهلة او هادشي راه مجرب او عن تجربت الحالات لي عندي او ضعافوا او فالعشاء غير صوبا تالكرعة الخضراء صافي

من هنا طريقة تحضير الاسكينول الطبيعي فالدار للعناية بالبشرة و الكوع او الركابي iskanol