موقع شهيواتي يقدم لكم: رغايف بالعجين المورق
المقادير :
- 200 غ من الكفتة
- حك صغير طماطم مركزة
- 2 طماطم محكوكة
- ملح
- إبزار
- معدنوس
- شوي زيت المائدة
- شوي زعيترة
- 500 غ من العجين المورق
- أصفر بيضة
- 100 غ فرماج محكوك
- ورق السلفيريزي
الطريقة:
في مقلاة , وضعي ملعقة زيت و أضيفي إليها الكفتة و الملح و التوابل و المعدنوس ( اختياري) . معسيها بالفورشيت و خليها تطيب مع التحريك
في آنية أخرى , طيبي الطماطم المحكوكة و المركزة مع ملعقة زيت و التوابل و الزعيترة
سرحي العجين بالمدلك فوق الورق و ذهنيه ب صلصة الطماطم ثم وضعي فوقها الكفتة ثم نصف كمية الفرماج. لوي العجين كله حتى تحصلي على شكل بودان ( كوميرة). وضعيه في الثلاجة . من بعد, ذهنيه بأصفر البيض من جميع الجوانب و قطعيه على شكل الشنيك ( دوائر من 2 سنتيمتر تقريبا) . دردري على وجه كل واحدة الفرماج المحكوك و دخليهم للفرن مدة 10 دقائق تقريبا (فرن معتدل)
بالصحة و الراحة