وصفات متنوعة مجلة الوصفات المتنوعة لكل ما يهم المرأة العربية
موقع شهيواتي يقدم لكم:طريقة تحضير لحم الغنم باللوز والروز
طريقة و مقادير الإعداد لحم الغنمي باللوز و الروز كيلو لحم الغنم بصلة ملعقة صغيرة سمن نصف كاس مخلط زيت بلدية والرومية الملح+ابزار+الزعفران الحر+القليل من الزعفران الملون طريقة تحضير لحم الغنم باللوز والروز بالصور في الطنجرة انا عملت كيلو اللحم و بصلة قطعتها على شكل جوانح + معلقة صغيرة السمن + نصف كاس صغير مخلط مابين الزيت البلدية و الرومية + الملح و الابزار و الزعفران شعرة و القليل من الزعفران الملون
تم نضيفوا كاس صغير ديال الماء و نعملوا الطنجرة فوق العافية حتى يتشحرلينا اللحم مزيان
من بعد ما تشحرات ضفت 125 غرام اللوز مسلوقة و مفسخة تم نرويوا الطنجرة بالماء الكافي فاش يطيب لينا اللحم تم نغطيوا الطنجرة بلا منسدوا عليها و نخليوا اللحم يطيب على عافية متوسطة منين يقرب يطيب اللحم نضيفوا بصلة اخرى مقطعة على شكل جوانح
و نسدوا الطنجرة حتى يكمل اللحم الطياب و البصلة و نحاولوا البصلة نخليوا تبان شوية في الطياب اي ماشي نطيبوها حتى دوب باش تعطي المنظر في التقديم بالنسبة للروز نسلقوا الروز مع شوية الملح و الزعفران الملون حتى يطيب و نصفيوه تم نشحروه واحد الشوية في شوية الزبدة هاهو اللحم الغنم باللوز والروز
