بحلاوة شكل جديد

موقع شهيواتي يقدم لكم: بحلاوة شكل جديد من مطبخ حنان

بحلاوة شكل جديد

غادي نقدم ليكم حلوة بحلاوة بالكاوكاو واللي بغات تحشيها باللوز اة بيستاج او اي حشو مفضل عندك 

 مقادير عجين البحلاوة
اربع زلايف دقيق يعني حوالي كيلو تقريبا 
كاس سكر كلاصي
كاس مازهر 
رابعة زبدة ماركرين
ماء دافي باش تعجني

بحلاوة شكل جديد 1

طريقة تحضير البحلاوة بشكل جديد

نجمعوها نخليوها شوية قاصحة وندلكوها مزيان وديريها في بلاستيكة وخليها ترتاح على ما توجدي الحشو
من بعد ناخد تلت العجين ونضيف ليه الكاكاو وندلكها مزيان باش يدخل فيه مزيااااان

بحلاوة شكل جديد 2

مقادير الحشو
كيلو كاوكاو محمر ومقشر ومطحون انا مكنطحنوش حتى يتنيل كنخليه يتقرمش شوية 
كاس ونص سكر كلاصي
نص كاس ما زهر 
والعسل باش تجمعي الخليط و خليه شوية ناشف بحال الصورة

بحلاوة شكل جديد 3

العجينة اللي نسرحوها لتحت تكون بيضة او لي بغا يدير فيها الكاكاو يديرها ليكم الاختيار ونسرح فوقها الحشو بشكل متساوي

بحلاوة شكل جديد 4

وندهن بابيض البيض مزيااااااااااان
نسرح العجينة بالمدلك ونخرجها من الجهة ديال سباكيتيى 
وكنبدا نحط الخيوط انا كندير اربعة بيضين واربعة كحلين كيجي شكلها زوين 
بيني وبينكم كتشد اليد ولكن منين كطيب كتعجبني النتيجة وكتمشي تمارة كلها

بحلاوة شكل جديد 5

هنا مني كملت تستاف الخيوط  
ناخد العجينة البيضا والكحلة ونسرحها ونقطعها وريدات صغار بحيت تكون وحدة اصغر من وحدة
نقطعها الى مربعات او معينات لكم الاختيار وفي القنت ديال كل مربع ندير نقيطة ديال الما ونحط فوقها وردة صغيرة

بحلاوة شكل جديد 6

وندخلها للفران حتى طيب انا مكنخليهاش تتحمر من الفوق ونكب عليها العسل ونخليها تشرب مزياااااااان

بحلاوة شكل جديد 7

ندير عقيقة في وسط الوردة ونرش بالبريو ونديرها في الكويغطات

بحلاوة شكل جديد

بالصحة و الراحة

بحلاوة شكل جديد 8