عصير ديال بوعويد بحل ديال الزنقة بالصور

موقع شهيواتي يقدم لكم: عصير ديال بوعويد بحل ديال الزنقة بالصور

نقدم لكم اليوم عصير البوعويد المنزلي
من تقديم الأخت وفية أم عمارة 
عصير ديال بوعويد بحل ديال الزنقة بالصور

 
نحتاجوا 
لكل كيلو بوعويد (إجاص)
300 غ سنيدة (شخصياً ستعملت أقل )
عصير حامضة
لتر ماء 
الطريقة إن شاء الله مع الصور 
 
عصير ديال بوعويد بحل ديال الزنقة بالصور 1
 
الطريقة سهلة جداً 
 
 
أول حاجة نديرو الماء والسنيدة فوق العافية حتى يدوب السكر 
 
عصير ديال بوعويد بحل ديال الزنقة بالصور 2
 
في نفس الوقت نكونو نقطعو في الإجاص لطريفات صغار
 
عصير ديال بوعويد بحل ديال الزنقة بالصور 3
 
مني دوب السنيدة في الماء نزيدو طريفات الإجاص 
 
عصير ديال بوعويد بحل ديال الزنقة بالصور 4
 
نتسناو حتى الغليان و نحسبو 5 دقايق تقريباً 
عصير ديال بوعويد بحل ديال الزنقة بالصور 5
 
من بعد نطفو عليه ونطحنوه 
 
عصير ديال بوعويد بحل ديال الزنقة بالصور 6
 
عصير ديال بوعويد بحل ديال الزنقة بالصور 7
 
نعصرو الحامضة ونزيدوها على العصير 
وههوا واجد
عصير ديال بوعويد بحل ديال الزنقة بالصور 8
 
عصير ديال بوعويد بحل ديال الزنقة بالصور 9
 
عصير ديال بوعويد بحل ديال الزنقة بالصور 1à
 
ندوزو دبا للمعقول ههههه 
إلا بغينا نحتفضو بيه مدة طويلة معلنا إلا نديروه في قرعة معقمة ونسدوها مزيان إو ونديرو القرعة في طنجرة مفرشة بشي توب أو سربيتة ديال المطبخ أنا مع الزربة درت الزيف التقليدي درتو من النشارة هههه لا تسحبوني حيدتو من شعري ههههه هههههه المهم الطنجرة تكون عامرة بالماء ونديرو فيها القرعة ونخلوه تغلي مزيان نص ساعة ونكتبو التاريخ وهاهو عصير صحي منزلي عارفين اش فيه وطلع رخيص وممكن يبقى حتى لعام 
 
وحدة صبرتها ووحدة درتها في الثلاجة تبرد مزيان وبصحة والراحة 
ممكن تستهلكوه في الحين غي خلوه في الثلاجة يبرد مزيان
 
عصير ديال بوعويد بحل ديال الزنقة بالصور 11
عصير ديال بوعويد بحل ديال الزنقة بالصور 12
 
عصير ديال بوعويد بحل ديال الزنقة بالصور
 
 
نصائح لنجاح الوصفة 
أول حاجة إختيار الفاكهة يكون مزيان ، إلا كان البعويد شبعان ثلاجة غادي يقدر يتأكسد دغيا ويعطي لون غامق وفي هاد الحالة إلا وقعات لكم ، زيدوا عصير الحامض 
إلا كنتو بغين تخلوه مدة معينة يعني إلا عندكم كثير ودرتو كمية كبيرة من أحسن تحتارمو كمية السكر لأنها كتصاعد في التصبير ، يعني لكل كيلو بوعويد ، 300 غ سنيدة 
في حالة ما كان ضروري تنقصوا من السنيدة ، خصكم تزيدوا من مدة ديال التصبير الأخيرة يعني تزيدوا كثر من نصف ساعة ، تقريباً شي 40 دقيقة خلوه يغلي .
 
 
ممكن مكان السنيدة العادية تستعملوا السكر البني .
 
 
هاد الطريقة كتجي في الإجاص ، والمشماش ، والخوخ 
 
 
إلا بغتوه خاتر بزاف نقصوا كمية الماء وإلا بغيتوه جاري عنكم ميزانكم ، زيدو الكمية لتكفي الدوق ديلكم