تفاية بالكرعة المعسلة بالصور

موقع شهيواتي يقدم لكم: تفاية بالكرعة المعسلة بالصور

السلام عليكم و رحمة الله
أقدم لكم كسكس بالتفاية نتمنى ينال اعجابكم.
تفاية بالكرعة المعسلة بالصور

المقادير:
3دجاجات صغار أو على حساب كل واحد
2بصلات محكوكين
قبطة ربيع
2مطيشات محكوكين ،كأس زيت
ملح ،إبزار،سكين جبير ،خرقوم ،ملون ،أعواد قرفة ،ملعقة ك سمن

الطريقة:

كناخدو العطرية والسمن كنخلطوهم بشوي الماء وكندهنو بيها الدجاج مزيان تم كناخدو البرمة و نديرو فيها الدجاج والبصل ونشحروهم تم نضيف المطيشة محكوكة ونزيد العطرية ونشحرهم مزيآآن ونروي ونخليهم إيطيبو .
تفاية بالكرعة المعسلة بالصور 1

التفاية
كنحتاجو 4بصلات كبار مشنفين ،مغرفة ديال المرق لي كنوجدوه ،م ك قرفة مطحونة ،كأس سكر،م ص سمن ،شوية إبزار،ملح،سكين جبير،خرقوم .كنخلطو كلشي و نديروه فوق عافية مهيلة حتى تطيب مزيان و تتعسل .
تفاية بالكرعة المعسلة بالصور 2

الكرعة معسلة
عملت نصف كيلو كرعة حمرا وضفت عليها كأس صغير سكر وشوية قرفة ومغرف ديال المرق لي وجدنا نخلوهم فوق عافية مهيلة حتى تطيب مزيان و تتعسل
تفاية بالكرعة المعسلة بالصور 2
أو نوجدو الكسكس ديالنا طبعا ماغنحتاجش نقول الطريقة راكم تبارك الله عارفينها
ملي إيطيب الدجاج نزولوه من المرق و ندهنوه بالسمن و ندخلوه للفرن إيتحمر
للتقديم :ملي طاب الكسكس كنعملوه في قصرية و كنسقيوه بالمرق لي وجدنا أو نسمناه بشوية ديال السمن تم كنحطو
الدجاج و كنزينوه بالتفاية والكرعة معسلة و اللوز
تفاية بالكرعة المعسلة بالصور 3 تفاية بالكرعة المعسلة بالصور