فخيدات الدجاج مخضرين بالدنجال معسل

فخيدات الدجاج مخضرين بالدنجال معسل

 من الأخت صفاء جازاها الله عنا كل خير
السلام عليكم ورحمة الله .

 

fkhidat djaj 11

على بركة الله نبداو بالمقادير و الطريقة .

فخيدات الدجاج او الدجاج مقطع على 2
2 دنجالات كبار
2 بصلات مشلضين
ثومة
راس الحانوت
عويد قرفة
سكنجبير
زعفران شعرة او خرقوم
ملح
ابزار
سمن
زيت زيتون
سكر
قرفة
شويش ماء الزهر لي كيعجبو
2 م.ك عصير حامض

اولا ناخدو الدنجال او نغسلوه و نقطعوه دوائر نديروليه الملح و نوضعوه فشي شبكة حتى يستقطر الماء ديالو .
ناخدو طنجرة نديرو فخيدات الدجاج بطبيعة الحال مغسولين مزيان , نزيدو عليهم البصلة , الثومة , راس حانوت , سكنجبير , خرقوم , ابزار , ملح , سمن , عصير الحامض و عويد القرفة , نشرملو الفخيدات و نخليوهم يترقدو فالخليط شي ساعة او ساعتين . من بعد نشعلو على الطنجرة عافية مهيلة و نخليو الفخيدات منها كيتشحرو و منها كيتشربو العطرية لي ترقدو فيها , نزيدو زويتة و كويس ماء و نخليو الفخيدات حتى يطيبو على خاطر خاطرهم .

fkhidat djaj 1

fkhidat djaj 2

fkhidat djaj 3

ندوزو الدنجال فالدقيق و نقليوه , من بعد نقطعوه و نعسلوه بالسكر و القرفة و لي بغا شويش ماء الزهر , من بعد ما يتعسل نديروه فشي صفاية حتى يتصفى من الزيت لي فيه .

fkhidat djaj 4

fkhidat djaj 5

fkhidat djaj 6

fkhidat djaj 7

من بعد ما طابو الفخيدات نزولوهوم من المريقة و ندهنوهوم بزبيدة مخلطة مع شويش ديال السمن و ندخلوهوم الفران يتحمرو .
ناخدو المريقة و نصفيوها و الى كانت مزالة جارية ردوها تغلى حتى تولي ملبية . 

fkhidat djaj 8

نكبو المريقة فطبق التقديم ثم الفخيدات و نزينو بالدنجال معسل اللوز مقلي و البيض مسلوق و كل واحد و طريقتو فالتزيين .

fkhidat djaj 9

fkhidat djaj 10

fkhidat djaj 12

fkhidat djaj 11

fkhidat djaj 12

نتمنى الطبق ينال اعجابكم , بألف صحة و عافية و الى الملتقى ان شاء الله
اللهم ادمها نعمة و احفظها من الزوال