بالخطوات المصورة طريقة تحضير بينيي ساهل و لذيذ

موقع شهيواتي يقدم لكم: بالخطوات المصورة طريقة تحضير بينيي ساهل و لذيذ

 

bini
الوصفة من تحضير الاخت اميرة بأخلاقي جزاها الله عنا كل خير
مقادير بينيي ساهل و لذيذ
 
(العبار بكاس العنبة)
2 كيسان دقيق
كاس الا ربع حليب دافئ
بيضة
2 معالق زبدة مدوبة
1/2 خمارة حمراء
فاني
قشرة ليمون او حامض اختيارية
معلقة خميرة
1/2 معلقة صغيرة سنيدة
قبصة ملح
 
لتزيين
 
سكر سنيدة 
شكلاط ابيض و اسود 
مربى….
bini1
 طريقة تحضير بينيي ساهل و لذيذ
نسخنو الحليب ونضيفو ليه الخميرة و سنيدة و نخليوه حتى يطلع
في ايناء نخلطو كل المواد الجافة مزيان ثم نضيفو الزبدة مدوبة
والحليب لي فيه الخميرة و بيضة و نعجنووه
bini2
خاص ندلكوه مزياان حتى نحصلو على كرة ملساء
نغطيوها و نخليوها تخمر مزيان شي ساعة تقريبا
bini3
بعدما تخمر مزياان نخويوها من الهواء ونسرحوها بالدلاك  متكونش رقييييقة بزاف شوية ونحطو وسطها العمارة لي بغينا
انا هنايا عمرتها بالشكلاط و المربى نعاودو نغطيوها بالعجين
عاد نقطعوها
bini4
ولكم الاختيار كبيرة او صغيرة ممكن منعمروهاش حتا طيب بكريم باتسيير او كناش شكلاط انا كتعجبني هاكا نستفوها فشي طاوة ونخليوها تخمر مزياان
bini5
بعدما تخمر نسخنو الزيت و نار تكون منقوصة حيت في ساع كيتحمرو ونبداو نرميوهم فالزيت وهنا كاين واحد السر
اننا نغطيو المقلة منين نرميوهم باش يتنفخو مزيااااااان
bini6
شوفو تبارك الله شحال تنفخو
bini7
منين يتحمرو نقلبوهم على الجهة الثانية ونحطوهم فوق ورق نشاف علما انهم مكيهزوش الزيت كيجيو ناشفين
ونرشوهم بالسنيدة و نقدموهم مع كويس اتاي او قهوة بالصحة و الراحة
bini8
bini9