طريقة تحضير حرشة معمرة

موقع شهيواتي يقدم لكم: طريقة تحضير حرشة معمرة
طريقة تحضير حرشة معمرة 
 
المقادير
 
– 500غ السميدة رقيقة
– 100غ دقيق لحرش او الفينو
– 1 خمارة
– 1فانى
– 1م ص الملح
– 1م ك سنيدة
– راس المعلقة خميرة الخبز
– 1 كاس الحليب
-1 كاس الزيت
– ماء للعجين

الحشوة
– علبة الطون
– شوية الملح
– الابزار
– تحميرة
– كامون
– تومة محكوكة
– بصلة مشلدة رقيقة
– الربيع
الطريقة:
فى قصرية نديرو السميدة والفينو والفانى والخمارة والخميرة الخبز والملح والسنيدة ونخلطوها من بعد نزيدو الزيت والحليب ونبسبسوها باليد عاد تجمع بالماء بلا ما ندلكوها وتكون رطبة نقسموها كويرات صغار ونخليوها شوية شي ربع ساعة.
من بعد نخلطو الحشوة فشى آنية ونأخذ أول كرة تكرص ونديرو فى الوسط ديالها شوية من الحشوة ونجمعوالجوانب ونكرصوها مع رشها بالفينو ونطيبوها فى المقلا الثقيلة فوق البوطة.