طريقة تحضير رغيف بالسبانخ والكروفيت

طريقة تحضير رغيف بالسبانخ والكروفيت 
 
موقع شهيواتي يقدم لكم: طريقة تحضير رغيف بالسبانخ والكروفيت
 
مقادير
 العجين : 200 غ طحين ممتاز + 50 غ ميزينا + 1 بيضة + م ص ملح + م ك زبدة لينة + شوية د الحليب لي يجمع لعجين أنا عملت تقريبا ربع كاس 
الطريقة:

كنخلط ميزينا مع الطحين ونخلط كلشي حتى تترمل العجينة شوية ونجمعها بالحليب

نعجنها مزيــــــــــان

دهنت العجين بالزيت وعملت منو كويرات وخليتهم يرتاحو

مقادير الحشو : ربطة د السبانخ طري مغسول مزيان ومقطع + الكروفيت القياس لي بغيتي + بصلة كبيرة مشلضة

زيت بلدية + إبزار + سكنجبير + ملح + 5 شرائح جبن الساندويتش + الهريسة حسب الذوق

كنشحر البصلة تدبال شوية ونضيف الكروفيت والملح والعطرية والهريسة

شوية ونضيف السبانخ ونغطي باش يدبالو السبانخ ويطيبو

نضيف الجبن ونخليه يدوب ونخلط مزيـــــــان ونخلي الحشوة تبرد

كنطلق العجينة بالطريقة العادية للرغايف كنورقها بالزيت

كنعمر بالحشو ونطوي عادي

هنا ماشي عادي ههههه هداك الطرف د العجين لي المفروض كنعملوه لفوق غادي نعملو من تحت

كندهنهم بأصفر البيض وندخلهم للفرن حتى يطيبو ويتحمرو