طريقة تحضير صابلي بالشوكولا

موقع شهيواتي يقدم لكم: طريقة تحضير صابلي بالشوكولا
طريقة تحضير صابلي بالشوكولا الشرح بالصور 
 

 

المقادير

رابعة الزبدة عادية
180ج السكر كلاصي
بيضتين
شوية بودرة الفاني
عشرة صاشي سويتيز الحليوة اللي كتباع حبيبات الشوكولا بالالوان
الطحين فورص الممتاز حسب العجين
الشكلاط فاش غناونروبيو الحلوى الكونكاسي اللوز بالالوان ادا توفر الا ملقيتوهش عملو الكونكاسي اللوز العادي

الطريقة 

نهرمشو الحلوى السويتيز مزيان و نخلطو المقادير كاملة الا الطحين نبقى نزيدو بشوية بشوية منكترش الصابلي اللي كيتغطس فالشكلاط ديما منكتروش فيه الطحين باش يجي هشيش من الوسط
نخلطها و نخليها ترتاح شوية فالتلاجة
نعملوها من بعد بين جوج ميكات و نطلقوها بالدلاك منرققهاش تبقى شوية غليضة ونقطعها بطابع دائري سامبل ونتقبها من الوسط كلها يعني ماشي وحدة منتقبهاش ووحدة نتقبها كلهم غنتقبهم
غنعملوهم فطاوة مفرشة بالسلفرزي وندخلها للفران تطيب و نخرجها
غندوبو الشكلاط من النوع المزيان اسود فحمام مريم غنغطسو فيه الحلوى ونسوسها مزيان بالفورشيط باش يتحيد الزائد ديال الشكلاط ونحطها تيبس فوق السلفرزي ولما تيبس نعمرها من الوسط بشوية الشكلاط و نحطو فوقو شوية الكونكاسي الملون ولما تيبس نعاود نسيرها بالشكلاط