مجموعة نصائح مجربة من شهيواتي

موقع شهيواتي يقدم لكم: مجموعة نصائح مجربة من شهيواتي

نصائح منزلية مجربة

 


*لتنظيف الٲلبسة ديال الدان
(اي لون) ناخدو ممحاة (ڭومة) نحكو بيها البقع حتى تزول ثم ناخدو شيتة خاصة بالثوب ديال المليفة و الدان
( كتباع عند المحلات الخاصة) و ندوزوها عليهم كتزول الخملة كاملة منهم
*باش نحافظو على ليبوط (les bottes)
و ببقاو مزيانين و شادين الفورمة ديالهم منين نبغيو نخزنوهم ناخدو قرعة طويلة و نغطيوها بليبة او تقشيرة و نديروها فيهم الراس ديال القرعة يكون التحت و نعمرو الفم ديالهم بالتقاشر القدام او قطع ورق
* لإزالة الطبايع ديال الشمع من الملابس
ناخدو موس ماضي مزيان و نزولو البقع ديال الشمع ثم نديرو كاغيط خفيف واحد تحت البقعة و واحد الفوق و نديرو عليهم المصلوح سخون و نحددو
*البيزاڭرات ديال البيبان و الشراجم منين كيتصداو
و يوليو يديرو صوت مزعج كناخدو قطعة ثوب و نفزڭوها مزيان بالخل و نمسحوهم باش يزول الصدٲ و الاوساخ ثم ناخدو قطعة ثوب اخرى من الاحسن ديال القطن و نفزڭوها بالزيت الخاص بمكينة الخياطة و نمسحوهم كيبقاو مدة طويلة في حالة جيدة
*للتخلص من التونيا اللي كتكون فالحوايج ديال الصوف
نديرو ٲكياس ديال الموسلين على حسب الطبقات اللي عندنا فالماريو و نديرو فيهم قشور الحامض ميبسين و الزعتر و مرد الدوش و الخزامى و نديرو كل خنيشة ديال الاعشاب فطبقة ٲو نعلقوها قرب الجلالب ديال الصوف ٲو المليفة اللي كيكونو معلقين. هاد الطريقة كتطرد التونيا و البرودة و كتعطي رائحة زوينة
*الملابس ديال الصوف خصوصا التريكوات منين كنعرقو فيهم
كتولي فيهم رائحة كريهة باش تزول الرائحة كنرقدوهم في الماء مع شوية الخل مدة ساعة ٲو ساعتين ثم نصبنوهم بالصابون الخاص بالصوف كتزول منهم الرائحة تماما و ما كيشبروش رائحة العرق بسهولة منين نلبسوهم
3 طرق لتنظيف النحاس الٲصفر كل وحدة تشوف الطريقة اللي تناسبها
الطريقة 1
نخلطو شوية الخل مع الملح رطبة و نمسحو بيهم النحاس
الطريقة 2
نخلطو شوية ديال التراب رطب مع بصلة محكوكة (الماء و اللب ديالها) حتى نحصل على عجينة لينة و نحكو بيها الاواني ديال النحاس
الطريقة 3
نقسمو بصلة على جوج و نغمسوها في الملح رطبة و نحكو بيها النحاسو طبعا منين نبغيو نحكو النحاس نلبسو القفازات باش ما يكحالوش يدينا*باش يبقاو السكاكين و الملاعق و الفورشيطات ديال الفضة كيلمعو منين نبغيو نخزنوهم نديروهم في كيس ٲسود لعدم تسرب الهواء و الضوء و نديرو معاهم 2 ٲصابع ديال الطباشير (ٲو حسب الكمية اللي عندنا)كيبقاو كيلمعو و الطباشير كيشرب الرطوبة و منين نبغيو نستعملوهم نمسحوهم ٲو نشللوهم

*منين كتذبال الباقة ديال الورد باش نرجعو الحيوية للٲزهار

و الورود كناخدو بانيو و نديرو فيه ماء سخون (ماشي دافي و ماشي غليان) و نحطو فيه السيقان ديال الورود يكون الماء طالع على السيقان ب 10 سنتيم و نخليوهم حتى يدفى الماء ثم نعمرو عليه الماء البارد و نقطعو شوية من السيقان ديال الورد من التحت و نخليوهم في الماء حتى يشربو شوية ثم نردوهم للمزهرية و نديرو ليهم الماء عادي هاد الطريقة كتعطيهم الإنتعاش

*لاعطاء العدس اللذة في اثناء الصليق

نضيفو ليه قبصة سكر و شوية خل
*باش الدنجال ميشربش ليك الزيت بزاف

مرريه في بياض البيض عاد قليه
*لازالة المدآد من الملابس

الى كانت البقعة جديدة نطليوها بمعجون الاسنان و القليل الماء و نخليوها شوية من بعد نصبنوها
*لترطيب المانطات الى صبناهم

نضيفو ليهم ملين الشعر رخيص الثمن كايدير 13درهم خليه غير ليهم دلعيهم مساكن حتى هما رطبي ليهم شعيراتهم هههههههههههه

*الى بغينا نهرمشو المكسرات باش يجيو متساويين

في التهرميش نطحنوهم في الطحانة اليدوية دايرة الغليضة

*الى بغينا نحدو من جهد ديال اللوبيا اليابسة

الى خفنا من ليغاز نرطبوها كيف العادة ليلة كاملة في الماء و كمشة الزعتر وراق و نصلقوها باهاداك الزعتر و الى درنا ليها القوام ديالها ممكن نحيدوه منها المهم راه طلق الافادة ديالو
يا رب نكون افدتكم شوية ايوا بغيت ردودكن اليووووووووووم قبل غدا دابا دابا دابا

*باش لفريت ميشربوش زيت 

كتاخدي البطاطس وكتقطعها فريت وديريها فكاسرونة مع الملح والماء وديريها على نار حتى تشوفي ديك لكشكوشة لبيضة بدات من فوق الماء وزوليها من على نار متخليهمش يطبخو وستقطريها مزيان وقليها اولا مكتشدلكش طياب بزاف دغيا كتقلى تانيا مكتشربش زيت ثالثا كيبقى لفريت واقف بحال لكيقدمو فالفنادق.

*حل لتيفال نتاع البغرير المخدوشة وتلسق

قبل ماتبداو تيبطو فالبغرير خودي الطيفال وخوي عليها الملح وحطيها فوق من البوطة حتى تسخن الملح وبدي دغطيه الملح بشى زيف من فوق الخدوش لعندك فطيفال من بعد حيدي الملح ومسحيها عادي بزيف واستعمليها راه عن تجربة

*بغيتي طيبي اللوبيا او الحمص ونسيتي ترقديهم عندي الحل 

كما قلت ليكم شحال من مرة بغيتي طيبي اللوبيا اوالحمص االقيتي راسك نسيتي ترقديهم 
انا عندي ليك الحل بلا ما تقلقي
الحل هو الخميرة ديال الحلوة عتنصبي عادي كف ما مالفا وضيفي لخميرة ديال الحلوى وتسدي الكوكوت
ودري الوقت الي مالفا كتحسبي

ماتنسونيش من دعواتكم وتعليقاتكم

*افضل طريقة لنزع قشر الثوم

لتقشير الثوم ضعي الثوم المراد تقشيره في الماء البارد قبل التقشير. وللحفاظ على الثوم المهروس في في المجمد احرصي على وضعه في كيس بلاستيكي ثم في علبة محكمة الاغلاق.اذ انالاكياس البلا ستيكيةاذا لم توضع في علبة محكمة الاغلاق تساعد على انتشار رائحة الثوم النفاذة.