وصفات متنوعة مجلة الوصفات المتنوعة لكل ما يهم المرأة العربية
تحضير كيك رولي بالحامض الشرح بالصور،تحضير، كيك ،رولي، بالحامض ،الشرح ،بالصور،طريقة،كيكة،كيفية،عمل،صنع،جديد،الكيك 2015،tariqat,tahdir,kika,kik,roli,rouli,bi l7Amd,l7amad,lhamad,charh,bi sowar,bsowr, موقع شهيواتي لكل ما يهم المرأة العربية chhiwati.com
يقدم لك سيدتي: تحضير كيك رولي بالحامض الشرح بالصور
موضع اخت ام اسامة و إيمان
السلام عليكم ورحمة الله وبركاته
اتمناكم جميعا بصحة وعافية وصفتي اليوم هي تطبيق لوصفة صديقتي وأختي وحبيبتي الغالية الشيف غزلان الله يجازيها خيرات الدارين
بغيت قبل ما نبدا فالوصفة نقول أنني كنكون فخورة جدا وانا كنزل وصفة طبقتها لأي أخت كتعطي من وقتها وجهدها وصحتها باش تفيد الآخرين في سبيل الله ولما كنقول الوصفة من مطبخ فلانة هاد الشي مكينقصش من قيمتي أبدا بل بالعكس كلنا كنتعلمو من بعضنا ونفيدو ناس آخرين والله يجعل عملنا خالص لوجهه الكريم
نتوكل على الله
كريم البرتقال والحامض
مقادير كريم البرتقال والحامض
بيضة 100 غ سكر كاس عصير برتقال نصف كاس عصير الحامض 100 غ زبدة في حرارة المطبخ م ص نشا مدوبة في شوية الماء للأمانة أنا عملت 3 م ص حيت ماعقدش لي الكريم مزيان يمكن من نوع النشا لي عندي
خلطت الكل باستثناء النشا وعملت الخليط فالميكرووند وكل دقيقة كنجبدو ونحرك ونردو كيف شرحت غزلان
ومنبعد عملتو فوق نار مهيلة مع التحريك حتى عقاد وخليتو يبرد
هاهي الكريمة واجدة
فالجينواز علمت لي معتمداها
المقادير : 5 بيضات في حرارة المطبخ + 150 غ سكر + 150 غ دقيق مغربل 2 مرات + 1 فاني
الطريقة : نطرب البيض شوية ونبدا نضيف السكروالفاني شوية بشوية ونطرب حتى يتضاعف العجم 3 مرات ويبياض لون الخليط
ثم نبدا نضيف الدقيق شوية بشوية وانا كنحرك في إتجاه واحد من لتحت لفوق
فرغت الخليط فوق ورق الطبخ ودخلتو لفرن مسخن من قبل على 180 درجة حتى يبدا يتدهب لونها
حيدتها من ورق الطبخ وعملت كريم الحامض فوسها وروليتها ودخلتها للثلاجة تبرد
بديت كنحضر المورانك الإيطالي 150 غ سكر + 50 غ أبيض بيض + ربع كاس ماء + نقيطات من عصير الحامض
عملت الماء والسكر على نار مهيلة ووجدت كاس بالما سخون وشيتة وبديت مرة مرة كندوز على الحواف باش ميتسكرش الخليط
غير بدا السكر كيغلي بديت كنطرب أبيض البيض ومنين ترغوا مزيان بديت كنضيف السيرو كيف كتشوفو فالصورة
وهنا بالضبط خسرات لي العجانة ههههههههههههه وعلى ما حاولت نصلحها وفشلت وجبدت باطور آخر كان داز شوية د الوقت ومطلعليش المورانك مزيان وخا جات فيه اللمعة بقا خفيف شوية
غلفت بيه الرولي وحرقتو بالتورش
وزينت بالشكلاط وعجين اللوز
مذاقه رائع جدا جدا جدا وحلاوة المورانك مع حموضة الكريم ياسلام
نتمنى تطبيقي للوصفة ينال إعجابكم ويشجعكم تطبقوها حتى انتوما
