وصفات متنوعة مجلة الوصفات المتنوعة لكل ما يهم المرأة العربية
سلام عليكم و رحمة الله و بركاته موقع شهيواتي لكل ما يهم المرأة المغربية يقدم لك سيدتي طحال الغنمي معمر و سلطة القوق معمر
السلام عليكن اخواتي كيدايرين لاباس عليكم؟
اليوم بغيت نتقاسم معكم واحد الغديوة كنت درتها و اللي هي طحال معمر بيني و بينكم هادي اول مرة نديرو مكنتش كنزعم عليه كان كيبان ليا صعيب حتي تشجعت و درتو و قلت نديرو كيف ما غادي ناكلوه ماشفنا حد هههه ساعة الحمد لله جا مابيهش واخا تقطع ليا فاكتر من بلاصة. كترت عليكم الهدرة .
المهم الطريقة ساهلة المشكلة غي فالتعمار ديالو خاصنا نردو البال باش ميتقطعش 'قولو ليا كون رديتي البال غي نتي بعدا هههههه '
انا العمارة درت فيها كفتة و ارز مسلوق ويتون مقطع و التوابل ملح + ابزار+ تحمرة+ كمون و التوم و بصلة محكوكة+ 2 ببضاتو قليل من زيت الزيتون.و عمرت بها الطحال و غطيتو بورق المنيوم و دخلتو الفرن يطيب و ملي طاب حيدت الورق و خليتو تحمر.
الطريقة:
و رافقتو شرمولة الكرعة
شحرت البصلة و زدت عليها الكرعة و من بعد الفلفلة و مطيشة مربعات مع الثوم و قوبر و معدنوس و التوابل ملح و ابزار تحمرة كامون و خليت كلشي طاب على عافية مهييلة
هادي سلطة بالقوق معمر
سلقت القوق ف ماء مملع و قسمتو على جوج و حيدت ليع الشعرات و الاوراق الصغيرة و عمرتو بطاطس مسلوقة و خيزو مسلوق و شويت البصلة و خلطي كولشي ب قليل من المايونيز و الخل و الزيت والملح و قدمتو ف صحن مفرش بالخس و زرنت الجوانب ب مطيشة و ارباع الفجل
و ها الطحال ديالنا مرفوق بالسلطات و الفريت و خبز الدار.
