وصفة قنبلة للشعر ….من عند كوافورة


سلام عليكم و رحمة الله و بركاته موقع شهيواتي لكل ما يهم المرأة المغربية يقدم لك سيدتي وصفة قنبلة للشعر ....من عند كوافورة السلام البنات اليوم بغيت نشارككم واحد الوصفة للشعر زوييينة من بعد مكنت ناوية نصبغ شعري مشيت عند واحد الكوافورة بنت الناس مسكينة نصحاتني قالت ليا شعرك لونو زوين بلاش متصبغيه خليه غير هكا وعطاتني هاد الوصفة اللي فعلا غزااالة للشعر كترطبو وكتعطي لون زويون وحتى اللي عندها الشيب دوك الزغيبات كيتلونو ومكيبقاش يبان الوصفة كالاتي 4 معالق حناء مع 2معالق زريعة الكتان مطحونة مع 2 معالق حلبة مطحونة مع ملعقة ديال العسل الحر الى مكانش عوضوه بعسل الليمون 2 معالق خل التفاح 2 معالق مرجان الى مكانش ديرو غير الزيت العود ...هادشي كامل كنجمعوه بمنقوع هاد العشوب يعني هاد العشوب اللي غنقول ليكم ديروهم فما سخون وخليهم يتبخو العشوب هوما (ازير سالمية خزامة قرنفل ريحان ورد حبوب اتاي ) جمعو بيه الخليط الاول وديروه لشعرك الجهد اللي قدرتو عليه انا كنبات بيه واخا هي قالت ليا راه 3 سوايع كافية من بعد كنغسلو بالغاسول مسقي بالعشوب بووحدو حيت انا مبقيتش كنستعمل الشمبوان .....ومنين كنخرج وكنرتاح كندهنو بزيت الكوكو غير شويييية منعاودش ليكم السوالف كيف غيوليو

أختي شاركي الوصفة من فضلك