كيكتي البسيطة طبقات بالكاكاو…كتجي روعة فالمذاق وبمقادير سهلة


كيكتي البسيطة طبقات بالكاكاو…كتجي روعة فالمذاق وبمقادير سهلة

قترح عليك سيدتي هاد الطورطة البسيطة من تحضير الاخت Oum Mostapha

 مقادير الجنواز:

خديت 4 بيضات خدمتهم مزيان مع 180 غرام سنيدة حتى يتضاعف الحجم ديالهم ،زدت عليهم فاني ونص كاس زيتومع التطراب،من بعد ضفت 180 غران دقيق وخلطت بملعقة خشبية بمهل من الفوق للتحت وضفت 2 خمارات،ودخلتها طيب.
الجنواز الثاني نفس المقادير والطريقة غير ضفت 2 ساشي ديال الكاكاو،منين يطيبو نخليوهم يبردو مزيان وكل وحدة نقسمها على 3.
نخدمو الكريم شانتيي انا كنستعمل هولالا ،ونخدمو الطرطة طبقة بيضاء وطبقة سوداء وكل طبقة نسقيوما بسيرو الماء والسكر عاد ندهنو بالكريمة،بقاو غاديين هاكا حتا تكملو جميع الطبقات وغطيوها مزيان بالكريمة ودخلوها للثلاجة تبرد.
عملت دانيت شوكولا مع القليل من الشوكولا السوداء والقليل من الحليب  فحمام مريم ونزلتو من فوق الكيك وعملت خطوط بالشوكولا البيضاء والتزيين يبقى حسب الرغبة .

أختي شاركي الوصفة من فضلك