عض المرات كنسقيو شي طبيسيل ديال الكسكس او التريد لشي حد او كيتعطل عليه حتى كيبرد او كيجينا دواقة من عند شي جارة ….او…او…..

المهم كنجيو ناكلوه كنلقاوه برد وشبع برودة وكتعرفو هاد النوع من الاطباق كيبغي يتكال سخون.

ايوا باش تسخنيه بلا ما تمسيه او ترونيه ما عليك غير تغطي الطبسيل بفيلم المونتير او ورق الومنيوم جيدا تم تعملي ماء فطنجرة مع قطع حامض او طماطم باش ما تكحال ليك منين يغلى الماء ويعاود حطي الطبسيل ديالك على الطنجرة وخليه يسخن على خاطرو

العملية كتطلب وقت ولكن النتيجة رائعة كيولي داك الكسكسو او التريد سخون بحال الى عاد سقيتيه وذلك بفعل البخار.

خاص الطبسيل يكون اما من البروص او زاج او بديع لي كيتحمل الحرارة.ويكون القطر ديالو بحال قطر الطنجرة باش نضمنو عدم تسرب البخار .

والى كانت الطنجرة كبر منو شويا كنعملو ليها شريط من البلاستيك يعني بحال القفال

ما تنساونيش حبيباتي من الدعاء.