شرمولة كنحتاجوها يوميا..دخلي نعطيك طريقة بسيطة تبقى عندك ديما واجدة

شرمولة كنحتاجوها يوميا..دخلي نعطيك طريقة بسيطة تبقى عندك ديما واجدة

ديك شرمولة نستعملها تقريبا كل يوم إما السمك أو زعلوك أو تكتوكة او البقولة أو الرجلة أو الكرشة أو الكبدة مشرملة
أو كفيتة أو حتى غير البيض و ماطيشة و العديد من الوصفات فاش كتدخل لهذا وجديها ديما في قريعة زجاجية في
الثلاجة راها كتصبر و كتسهل عليك الخدمة و تحيد العكز

المقادير

خودي القزبور و المعدنوس مغسول و منشف و مقطع
الثوم الملح الكامون السودانية و التحميرة
دقي كل شي في المهراز أو آلة 123

الطريقة

ضعي شرمولة في قرعة الزجاج
و غطي الوجه بقليل من الزيت و ها أنت هانية
مدة طويلة من التحضير ديالها و ملي تبغيها تلقايها
بحال إذا وجدها ليك شي واحد آخر ماشي أنت