سلطة الكرنينة بالحامض و الزيتون

موقع شهيواتي يقدم لكم: سلطة الكرنينة بالحامض و الزيتون

    باسم الله الرحمن الرحيم

السلام عليكم البنات نتمنى تكونو فاحسن الاحوال
ليوم جبت ليكم سلطة غزالة و لذيذة وهذا وقتها
نتمنى تعجبكم كيفما كتعجبني ندوزو للمهم براك من لهضور

سلطة الكرنينة بالحمض و الزيتون

سلطة الكرنينة بالحامض و الزيتون

مقادير السلطة

كرنينة(تتكون فيها الشوك بزاف كنخضرو بيها الطويجنات بحال الخرشوف)

وريقة رند 6 فراع ثوم دوائر حامض عصير حامض حامض مصير قزبر و معدنوس

ملح/تحميرة/كامون/سودانية(اختيارية) زيتون

طريقة التحضير السلطة 

نغسلو الكرنينة ونقطعوها مرصوات و نديروها فبانيو
نغطيوها بالماء و شوية الخل و نفركوها مزيان و نشلوها
نردوها تفور وممكن نسلقوها مع دوائر حامض ووريقة رند
و2 فريعات ثوم

سلطة الكرنينة بالحامض و الزيتون1

سلطة الكرنينة بالحامض و الزيتون2

منين طيب نديروها فمقلة نضيفولها ثوم محكوك

ملح تحميرة و السودانية و عصير الحامض

سلطة الكرنينة بالحامض و الزيتون3

نشحروها حتا تدخلها المقادير مزيان
نضيفو حامض مصير و الربيع و الزيت البلدية و الربيع

حتل تشحر مزيااااان عاد نضيفو الزيتون

سلطة الكرنينة بالحامض و الزيتون4

وهاهي النتيجة كتجي بنييييييينة بزاف

جربوها و ردو علياا و اي تسائل مرحباا

سلطة الكرنينة بالحامض و الزيتون

اللهم ادمها نعمة و احفضها من الزوال