طورطية بشكل جديد 👌 و طريقة رائعة😍 معمرة و طايبة فالمقلاة🥘 بمكونات بسيطة و لذة لا تقاوم 😋😋😋

طورطية بالبطاطس والبيض في المقلاة ,طورطية اسبانية ,طورطية بالخضر, تحضير طورطية بالبطاطس ,طورطية بالبطاطس محكوكة, طورطية في الفران ,عشاء خفيف بالبطاطس ,طورطية بالطون,طورطية, بشكل, جديد ,طريقة ,رائعة ,معمرة ,طايبة, فالمقلاة ,بمكونات ,بسيطة, لذة, لا تقاوم,chhiwati halawiyat,chiwati halawiyat,xhiwati halawiyat,chhiwaty.com, chhiwaty, mawki3 chhiwaty, chhiwaty com,

طورطية بشكل جديد 👌 و طريقة رائعة😍 معمرة و طايبة فالمقلاة🥘 بمكونات بسيطة و لذة لا تقاوم 😋😋😋

👈مرحلة 1

كيفية تحضير اقراص البطاطا :9

كناخدو 3 حبات بطاطس نقيوهوم و نحكوهوم رقاق و فالحكاكة الغليظة .. نكبو عليها الماء باش نتخلصو من النشا لي فيها نخليوها 5 دقائق و نصفيوها من الماء و نزيدوا ليها الماء تاني و نسقطروها فشبيكة مزياااان نحاولو نشفوها مزيان من الماء
و نضيفو ليها 2 بيضات كامون ملحة ابزار خرقرم تحميرة بصل بودرة 2 فصوص ثوم محكوكين و ربيع مكرض و ملعقة صغيرة موطارد و حبة بصل صغيرة مشلظة رقيقة و ملتقة كبيرة دقيق ابيض نخلطو المكونات مزياان..
نديرو مقلة مكتلصقش فوق العافية و نضيفو شوية زيت نباتي و ناخدو جزء من الخليط و نسرحوه مزياان حتى تكون عندنا طبقة رقيقة و متماسكة و نخليوها طيب و تحمر و حنا كنضغطو عليها بالسباتيل من بعد نقلبوها على الجهة الاخرى ايلا كتكسر ليكم قلبوها فمقلاة اخرى او فطبسيل و ردوها لنفس المقلاة بع اضافة القلييد من الزيت النباتي..
كنعاودو العملية للمرة الثانية باش نحصلو على 2 اقراص من البطاطس..

طريقة الحشو :

ناخذو كتشوب او اي نوع صوص كيعجبكم و ندهنو بيه وجه قرص البطاطس و و نوزعوا الطون لي سبق لينا و صفينا (ممكن ديرو اضافات زيتون فلافل كاشير..) و نزيدو الفروماج احمر و مودزاريلا و السندويتش ( النوع لي متوفر عندكم ديروه)
و نحطوا فوق منو القرص الثاني من البطاطس و نردوا معاها البال باش ما تهرسش و اخسر المنظر ديالها
نخليها تحمر من التحت و اتجانسو مكونات الحشوة و نقلبوها على الجهة الثانية ..
فالاهير زينتها بالفروماج سندويتش قطعتو بقطاعة على شكل وريقات و رافقتها بالكتشوب و الموطارد..

🌺بصحتكم جربوها اكييد غادي تعجبكم 🌺