بسطيلة بالدجاج بنينة بالصور

موقع شهيواتي يقدم لكم: بسطيلة بالدجاج بنينة بالصور

    باسم الله الرحمن الرحيم

السلام عليكم ورحمة الله وبركاته ، لعشاق البسطيلة و خصوصا بسطيلة الدجاج . موقع شهيواتي يقدم لكم وصفة رائعة لإعداد بسطيلة بالدجاج بنينة . و كالعادة الوصفة و طريقة التحضير بالتفاصيل و الصور لمختلف الخطوات .

بسطيلة بالدجاج بنينة بالصور12

مقادير بسطيلة بالدجاج

بسطيلة بالدجاج بنينة بالصور

غادى نحتاجو
الدجاج انا تندير غير لفخد حيت رطب
الملح ابزار سكنجبير والقرفة عواد والزعفران والخرقوم والسمن والبصلة والمعدنوس مقطع وربع كاس الزيت

طريقة التحضير

نوضعو المقادير كلها فالكوكوط ونخليوها تشحر مزيان

بسطيلة بالدجاج بنينة بالصور1

بسطيلة بالدجاج بنينة بالصور2

ونزيدو ليها كاس صغير الماء انا ايلا كنت مزروبة كندير ايلا عندي الوقت ماكنديروش كيطيب الدجاج غير فالماء ديال البصلة
ونقفلو الكوكوط ويطيب اعلى عافية مهيلة
من بعد ماطاب كنحيد الدجاج و كنزيد العسل الحر ايلا ماعندكمش ديرو السكر
وخاليو كلشي احتا يتشحر مزيان

بسطيلة بالدجاج بنينة بالصور3

وكنفرتت الدجاج

بسطيلة بالدجاج بنينة بالصور4

وبعد ماتعسلت البصلة مزيان ابحال هاكا

كنرد الدجاج باش ينسجم امعا البصلة لكوكوط

بسطيلة بالدجاج بنينة بالصور5

ومن بعد نصفي الخليط انديروه فالكسكاس ونخليوه احتا يطلق كاع المرقة اللي بقات باش ماتفزكش لينا الورقة

بسطيلة بالدجاج بنينة بالصور6

دابا كندوزو اللوز بعدما تقشر وتقلى وقطعتو بالقطاعة ديال الربيع باش يبقا مهرمش كنزيد اعليه الزا زهر ومعلقة لعسل كيجي المداق رائع احسن من القرفة

بسطيلة بالدجاج بنينة بالصور7

انا درتهم بسيطلات صغار تقدرو تديروها كبيرة

تنديرهم فزلافة باش ايجيوني مقادين نفرش ورقة ونحط اللوز تم الحشوة ونجمعها ونقلبها ونزيد ليها ورقة اخرى من الفوق

بسطيلة بالدجاج بنينة بالصور8

بسطيلة بالدجاج بنينة بالصور9

ملاحضة ايلا كنتو غادي تديروها كبيرة وتطيب فنفس المول كندير الخليط هو الاول عاد نزيد اللوز باش مايتحرقش ليكم

بسطيلة بالدجاج بنينة بالصور10

ومن بعد ماطابت انحطها فوق الورق باش تنشف من الزيت والزبدة

بسطيلة بالدجاج بنينة بالصور11
ونقدمها مزينة بالعسل واللوز

بسطيلة بالدجاج بنينة بالصور12

نتنممنى تعجبكم الوصفة ، بالصحة و العافية و ما تنساوش تخليو رأيكم في الوصفة