عصير منعش و اقتصادي بنكهة الخوخ


شارك مع أصدقائك




موقع شهيواتي يقدم لكم: عصير منعش و اقتصادي بنكهة الخوخ

    باسم الله الرحمن الرحيم
هذا واحد لعصير كيجي غزااااال وكايعطي كمية كبيرة كيجي فحال إلى مصايب بالخوخ تماما كنت سمعتو في الراديو هادي شي 4 سنوات ومن تما مبقاش كايخطاني لأنه غزال وسهل جدا وكايتقام بتكلفة رخيصة نبداو على بركة الله :

عصير منعش و اقتصادي بنكهة الخوخ

عصير منعش و اقتصادي بنكهة الخوخ

مقادير و طريقة التحضير

كيلو خيزو + نصف كيلو سكر سنيدة +نصف ملعقة كبيرة صودا (سنيدة لحامضة )+ملعقة كبيرة من روح الخوخ (كاتباع عند لعطار ثمنها 7dh )+ماء. وطريقة غادي توضحها صور : أول حاجة كنقطعو خيزو مدور ونديروه في لكوكوت يتسلق في ليتر واحد من لماء 1litre عصير منعش و اقتصادي بنكهة الخوخ 1 مني كايتصلق خيزو نطفيو عليه نار ومباشرة نزيدو سكر وهو باقي فلكووكوت باش يدوب مع سخونيا ونبدا نحرك بملعقة خشبية حتى يدوب سكر وسمحولي ماصورتش هاد لمرحلة نتسناو شوية حتى يبرد لخليط ثم نطحنوه في مونيليكس ونصفيه فشي بانيو كما في صور عصير منعش و اقتصادي بنكهة الخوخ 2 عصير منعش و اقتصادي بنكهة الخوخ 3 بعدها نزيد عليه روح لخوخ وسنيدة لحامضة ونحرك مزيان وهاد صور باش نوريكم شكل مركز لخوخ وسانيدا عصير منعش و اقتصادي بنكهة الخوخ 4 عصير منعش و اقتصادي بنكهة الخوخ 5 و أخيرا كانزيد 3 لتر ماء على لخليط كامل لأنه جد مركز وهكذا كانكون حصلت 4 لترات من عصير خوخ غزال ومنعش فحلا مصايب بلخوخ نيت ماشي بروح لخوخ ولي ذاقو عندي و الله ماكايخرج حتى يطلبني نكتبليه لمقادير كيجي رااااائع بشهادة كل من ذاقو عصير منعش و اقتصادي بنكهة الخوخ نتمنى مانكونش تقيلة ظل عليكم ويكون هاد لعصير نال إعجابكم واخا تصاور ما باينينش مزيان حيت صورت فليل وتليفون كايديرهوم مضبين فليل وغي جربوه راه روعة ولذيذ ورخيص وكايحمر لوجه مع ضياف .

شارك مع أصدقائك