عصير جد جد رائع بحجر الليم او حمض السيتريك او السنيدة الحامضة حسن من تانك وسيبون وطبيعي وبكمية كبيرة مجرب

السلام عليكم ورحمة الله وبركاته

موقع شهيواتي يهدي هاد العصير لجميع الانيقات عموما نتمنى يعجبكم  إن شاء الله
في الحقيقة حنا هاد هو العصير باش دوزنا رمضان كلو تقريبا كأساس يعني ماشي بوحدو كنضيفو ليه اي فاكهة موجودة في الثلاجة وأستسمح كنت باغا نحطو ليكم في البداية ديال رمضان باش تستافدو منو ولكن ماكنتش كنلقى الوقت عارفة راسي الى دخلت لموقع شهيواتي خاصني ديباناج باش نتزعزع منو هههههههههه داك الشي علاش ماكندخلش بزاف
المهم بلاما نبقى مصدعاكم هاهما المقاديرعينكم ميزانكم فيهم انا غادا نعطيكم داك الشي غير تقريبي والطريقة
بسم الله

عصير جد جد رائع حسن من تانك وسيبون وطبيعي وبكمية كبيرة مجرب 8

عصير جد جد رائع حسن من تانك وسيبون وطبيعي وبكمية كبيرة مجرب

2,5 كلغ الى 3 كلغ ليمون مقشر
حامضة كبيرة شوية
كمية وافية من السكر ضروري طوب كيجي احسن من السنيدة 
قشرة 2 ليمونات نحاولو ما امكن غير القشرة الليمونية
حجرة الليم او حمض السيتريك او السنيدة الحامضة

حجر الليم - سنيدة حامضة - حمض السيتريك

كل واحد وكيف كيسميها معلقة صغيرة وهاد هو السر باش كتحافظ عليه وكيبقى مدة طويلة 
والماء بطبيعة الحال

الطريقة:
المهم كتقشرو كلشي “الحامض والليمون” وتحيدو العظومة والى الكوكوط ههههه
كضيفو القشرة والسكر والماء

عصير جد جد رائع حسن من تانك وسيبون وطبيعي وبكمية كبيرة مجرب 1

الماء الكمية اللي تغطي ليك المقادير

عصير جد جد رائع حسن من تانك وسيبون وطبيعي وبكمية كبيرة مجرب 2

كتقفلو الكوكوط وتخليوها حتى تغلى وتنقصو العافية حتى الحد الادنى باش مايسيحش وتحسبو تقريبا 20 حتى 30 دقيقة وتطيفيو البوطة وتعملوه في اناء كبير 

عصير جد جد رائع حسن من تانك وسيبون وطبيعي وبكمية كبيرة مجرب3

ثم تضيفو ملعقة صغيرة حجرة الليم كتعطيه الحموضة وكتحافظ عليه

عصير جد جد رائع حسن من تانك وسيبون وطبيعي وبكمية كبيرة مجرب 4

حتى يبرد عاد نطحنوه ونصفيوه

عصير جد جد رائع حسن من تانك وسيبون وطبيعي وبكمية كبيرة مجرب 5

ونبداو نضيفو الماء تقريبا 9 لتر على حساب
عصير جد جد رائع حسن من تانك وسيبون وطبيعي وبكمية كبيرة مجرب 6

نعملوهم في قراعي ونعملوهم في الفريكو والوقت اللي بغيتيه كتخرجيه وكتخليه حتى يتطلق وضيفو ليه اي فاكهة موجودة عندكم او تعملو بيه كوكتيل 

عصير جد جد رائع حسن من تانك وسيبون وطبيعي وبكمية كبيرة مجرب 7

هاهو هنا صورتو بدون اضافة اي فاكهة 

عصير جد جد رائع حسن من تانك وسيبون وطبيعي وبكمية كبيرة مجرب 8