%d8%aa%d8%ad%d8%b6%d9%8a%d8%b1-%d9%83%d9%8a%d9%83%d8%a9-%d8%a7%d9%84%d9%83%d9%88%d9%83%d9%88%d8%b7

تحضير كيكة الكوكوط غزالة و فنة

,كيكة الكوكوط بالصور, كيكة الكوكوط مجربة ,كيكة الكوكوط بدون كاكاو, كيكة الكوكوط عادية,,كيكة الكوكوط بالصور, كيكة الكوكوط مجربة ,كيكة الكوكوط بدون كاكاو, كيكة الكوكوط عادية,

تحضير كيكة الكوكوط غزالة و فنة

مكونات و طريقة تحضير كيكة الكوكوط

غادين تقولوا ليا صدعتينا بكيكة الككوط غادي نقول ليكم جربوها بطريقتي و غادي توليوا مدمنين عليها بحالي.فايت لي حطيتها ويني ماشي بالتفاصيل و بزاف د الاخوات طلبوا ليا المقادير و الطريقة و الكاس د العبار. تلبية لرغباتهن. ها طريقتي و مقاديري كتجي غزالة وفنة و رطبة بحال الجينواز وفازكة بوحدها بلاما تسقيوها و لي كلاها عندكم غادي يحماق عليهاو ميمشي حتى يطلب المقادير ديالها. واقيلا كترت من الاشهار ياك ههههه المقادير 4 البيضات ك ونص سنيدة ك صغير زيت ك كبير و ربع ما طايب مخلط بنسكافي 3 م ك كاكاو 2 م ك خل (نسيت ما صورتو) 3 ك طحين 3 الخمارات الكيسان باش كنعبر (ديال العنبة) كبار شوي حنت كندير الكيك فالككوط الكبيرة (6 او 8 لتر) هداك لي فيه سنيدة قد قياس العنبة.

الطريقة كندير سنيدة و البيض و الخل و الزيت فمولنكس

كنخويهم فشي اناء و نزيد عليهم الطحين مغربل و الكاكاو و الخمارات

نخلط مزيآآن

عاد نزيد الما طايب هو الاخير

ونعملها فالككوط مدهونة طبعا بالزبدة و مغبرة بالطحين نصيحة ديما طلعو الدهين ديال الزبدة مزيان حنت الكيك كيبدا طالع تابع الزبدة

نسدو عليها بلا صفارة على اصغر كانون و على عافية مهييييييييلة و متنساوش الحديدة تحت من الككوط (ضروري)و نخليوها 40 حتال 45د (نقلبو بالموس واش طابت)

طابت

نحطوها فوق الشبكة تبرد (ما عنديش كنعدي غير بالغربال ههه)

نقسموها على 3 او لي مابغاش كايخليه بلا عمارة كناكد حتى تبرد عاد نقسموها باش ما تفرتتش حنت رطبة بزاف

كنوجد 2 بلاستيكات وحدة فيها الشكلاط كحل و دانون والتانية فيها الشكلاط بيض وغير شوي الحليب باش يجي fondu )ايلا درناه بوحدا كيجي قاصح و كيتهرس ملي نبغيو نقطعو الحلوة) كنديروهم فمقراج ديال الما طايب حتى يدوبوا على ما مونطينا الكيك

كنعمروها بالكريم باتسيير

كنفرشو تحت منها بلاستيكة ونخويو عليها ganach لي وجد وداب

وكنزوقوها بالشكلاط بيض مع الحليب او لي حبيتو انا يلا كانواجايين الضياف كندير الكركاع او اللوز فالجناب فالجناب

كنخليوها شوي حتى يجمد الشكلاط عاد نزلوها فالطبسيل هاهي

من الفوق

من الاحسن نوجدوها فالليل كتصبح غزالة ها ككتجي من الداخل .

%d8%aa%d8%ad%d8%b6%d9%8a%d8%b1-%d9%83%d9%8a%d9%83%d8%a9-%d8%a7%d9%84%d9%83%d9%88%d9%83%d9%88%d8%b7-1

%d8%aa%d8%ad%d8%b6%d9%8a%d8%b1-%d9%83%d9%8a%d9%83%d8%a9-%d8%a7%d9%84%d9%83%d9%88%d9%83%d9%88%d8%b7

%d8%aa%d8%ad%d8%b6%d9%8a%d8%b1-%d9%83%d9%8a%d9%83%d8%a9-%d8%a7%d9%84%d9%83%d9%88%d9%83%d9%88%d8%b7-2

تحضير كيكة الكوكوط غزالة و فنة

اضف رد

لن يتم نشر البريد الإلكتروني . الحقول المطلوبة مشار لها بـ *

*