وصفات متنوعة مجلة الوصفات المتنوعة لكل ما يهم المرأة العربية
موقع شهيواتي يقدم لكم: كرتان بالصوص بشاميل وكروفيت
مكونات
لبياط الفيس كمية حسب الاشخاص موجودين
كروفيت
2معالق طماطم مركزة
2حبات طماطم طرية
فرماج احمر مبشور
قليل من زعيترة
ما يعادل 3معالق المعدنوس مقطع رقيق
ثومة
ملح/ ابزار/ سكنجبير/ خرقوم البلدي/ تحميرة / الزيت
طريقة
من بعد ما كنغسلو طماطم وكنقشرها كنعملها في كسرولة مع شويش الزيت وملح حتى تنزل وتصبح على شكل صوص
كنضفو عليها لكروفيت وتومة محكوكة
والربيع و طماطم مركزة
وجميع توابل ونتركها على نار مهيلة حتى تنساجم عناصرونوضعها جانبا
في كسرولة اخرى نعمل ماء لقياس اللى يسلق لينا ليباط منسم بالزعيترة +ملح
من بعد ما تسلق كنصفوها ونتركها حتى تنشف تماما من ماء
من بعد كنضفها على لصوص اللى حضرنا من قبل كما هو واضح
وكنحضر لصوص بشاميل
الللى هي عبارة على
نص لترو حليب
2معالق الطحين
2معالق الزبدة
ملح ابزار
ونسمه بالنكهة اللى بغينا
انا عملت المعدنوس
كنخدو مول خاص بالكرتان
كنعمل فيه قليل من صوص بشاميل هو الاول
وننزل فوقو ليباط مباشرة
من بعد كنعمل لصوص بشاميل
وفرماج مبشور
وندخلها للفرن تتحمر
وبالصحة وراحة
